logo
Böyük Britaniya ilə Azərbaycan strateji tərəfdaşlığının üç əsas istiqaməti müəyyənləşib

Böyük Britaniya ilə Azərbaycan strateji tərəfdaşlığının üç əsas istiqaməti müəyyənləşib

Böyük Britaniya ilə Azərbaycan strateji tərəfdaşlığının üç əsas istiqaməti müəyyənləşib Böyük Britaniya ilə Azərbaycan strateji tərəfdaşlığının üç əsas istiqaməti müəyyənləşib

Böyük Britaniya ilə Azərbaycan arasında yeni Strateji Tərəfdaşlıq sazişi iki ölkənin münasibətlərində əməkdaşlığın yeni mərhələsinin əsasını qoyur. Tərəfdaşlıq iqtisadi inkişafdan tutmuş müdafiə və təhlükəsizliyə qədər geniş sahələri əhatə edir.

Böyük Britaniyanın Azərbaycandakı səfiri Dunkan Norman bildirib ki, yeni Strateji Tərəfdaşlıq üç əsas istiqamət üzərində qurulub. Bunlar ticarət, investisiya və iqtisadi artım, innovasiya və təhsil, eləcə də müdafiə və təhlükəsizlikdir.

Səfirin sözlərinə görə, yeni sənəd iki ölkə arasında uzunmüddətli dostluq münasibətlərinin möhkəmləndirilməsinə, iqtisadi əlaqələrin genişləndirilməsinə və qarşılıqlı faydalı əməkdaşlığın inkişafına xidmət edir.

Norman qeyd edib ki, tərəfdaşlığın əsas məqsədi həm Azərbaycan, həm də Böyük Britaniya vətəndaşları üçün real iqtisadi və sosial faydalar yaratmaqdır:

“Yeni qəbul etdiyimiz Strateji Tərəfdaşlıq üç əsas istiqamət üzərində qurulub. Birinci istiqamət ticarət, investisiya və iqtisadi artımdır. İkinci istiqamət innovasiya və təhsili, üçüncü istiqamət isə müdafiə və təhlükəsizliyi əhatə edir. Bu istiqamətlərin hər biri iki ölkə arasında əməkdaşlığın gələcək inkişafı baxımından mühüm əhəmiyyət daşıyır. Strateji Tərəfdaşlıq iqtisadi əməkdaşlığımızda yeni mərhələnin əsasını qoyur və həm Böyük Britaniya, həm də Azərbaycan vətəndaşları üçün real faydalar vəd edir”.

footer
Top

Ən son xəbərləri səhifəmizdən də izləyin

innews media