https://www.innews.az/uploads/news/2026-11/_innews_4c2c0d6e506b6fead87644803_o.jpg
Böyük Britaniya Azərbaycan və Ermənistan arasında sülh prosesini dəstəkləyir. Rəsmi London bu prosesin irəliləməsində maraqlıdır.
Bunu Böyük Britaniyanın Azərbaycandakı səfiri Dunkan Norman mətbuat konfransında bildirib.
Səfir qeyd edib ki, Azərbaycan və Ermənistan arasında sülh prosesinin başlanmasından məmnundurlar. Onun sözlərinə görə, bu proses təkcə regionda davamlı sülhün təmin edilməsi deyil, həm də Orta Dəhlizin inkişafı və fəaliyyətinin davam etdirilməsi baxımından mühüm əhəmiyyət daşıyır.
Dunkan Norman vurğulayıb ki, sülh prosesinin tam həyata keçirilməsi uzun və mürəkkəb yol tələb edir.
“Biz Azərbaycan və Ermənistan arasında sülh prosesini dəstəkləyirik. Bu proses Orta Dəhlizin fəaliyyətinin davam etdirilməsi baxımından da əhəmiyyətlidir. Prosesin başlanmasından çox məmnunuq. Bununla belə, onun həyata keçirilməsi uzun bir yol tələb edir. Ölkəmizin bu prosesdə böyük marağı var. Növbəti aylarda bu istiqamətdə görülən işlərin daha da irəliləməsini məmnuniyyətlə qarşılayarıq”, – deyə səfir bildirib.
Ən son xəbərləri səhifəmizdən də izləyin