https://www.innews.az/uploads/news/2026-11/_innews_79316698dda043c52350f271e_o.jpg
Azərbaycan və Böyük Britaniya arasında təhlükəsizlik sahəsində əməkdaşlıq müdafiə və hərbi təlimlərlə yanaşı, transmilli cinayətkarlıqla mübarizəni də əhatə edir.
Böyük Britaniyanın Azərbaycandakı səfiri Dunkan Norman bildirib ki, iki ölkənin hüquq-mühafizə orqanları narkotik vasitələrin qanunsuz dövriyyəsi, qeyri-qanuni miqrasiya, kibercinayətkarlıq və mütəşəkkil cinayətkarlığa qarşı birgə fəaliyyət göstərirlər.
Səfirin sözlərinə görə, təhlükəsizlik sahəsində əməkdaşlığın genişləndirilməsi yeni Strateji Tərəfdaşlığın mühüm istiqamətlərindən biridir.
Norman vurğulayıb ki, iki ölkə arasında mövcud münasibətlər təhlükəsizlik çağırışlarına qarşı birgə mübarizə və təcrübə mübadiləsi üçün geniş imkanlar yaradır.
SİNXRON – DUNKAN NORMAN, BÖYÜK BRİTANİYANIN AZƏRBAYCANDAKI SƏFİRİ:
“Təhlükəsizlik sahəsində əməkdaşlığımız müdafiə ilə məhdudlaşmır. Narkotik vasitələrin qanunsuz dövriyyəsi, qanunsuz miqrasiya və kibercinayətkarlıq da daxil olmaqla, ağır mütəşəkkil cinayətkarlıqla mübarizədə Azərbaycanın hüquq-mühafizə orqanları ilə birlikdə çalışırıq. Bu əməkdaşlıq ölkələrimizin təhlükəsizliyinin qorunması və qarşılaşdığımız ümumi çağırışlara qarşı mübarizənin gücləndirilməsi baxımından mühüm əhəmiyyət daşıyır”.
Ən son xəbərləri səhifəmizdən də izləyin