https://www.innews.az/uploads/news/2026-11/_innews_e7cbc26fd7ceee98317385f8f_o.jpg
Noyabrın 17-də Gəncə Dövlət Universitetində keçirilən “Mənəvi dəyərlər” günü rəsmi açılış hissəsindən sonra elmi mühazirələrlə davam etdirilib. Tədbir çərçivəsində tələbələrin və gənclərin milli-mənəvi irsimiz, tarixi yaddaşımız və müasir dəyərlər sistemimiz barədə biliklərinin artırılması məqsədilə məruzələr dinlənilib.
Gəncə Dövlət Universitetinin Sosial fənlər kafedrasının müdiri, tarix üzrə fəlsəfə doktoru, dosent Cavid Bağırzadə “Gəncədə milli-mənəvi dəyərlər: tarixi təhlil” mövzusunda çıxış edərək şəhərin zəngin tarixi-mədəni irsinin milli kimliyin formalaşmasındakı rolundan və tarixi ənənələrin gələcək nəsillərə ötürülməsinin əhəmiyyətindən bəhs edib.
Azərbaycan İlahiyyat İnstitutunun İlahiyyat fakültəsinin dekan müavini, sosiologiya üzrə fəlsəfə doktoru, dosent Asəf Qənbərov isə “Müasirlik və milli-mənəvi dəyərlər” mövzusunda mühazirə ilə çıxış edib. O, müasir cəmiyyətin inkişaf tendensiyaları fonunda milli-mənəvi dəyərlərin qorunmasının və yaşadılmasının zəruriliyini diqqətə çatdırıb.
Mühazirələrdən sonra Gəncə Dövlət Universitetinin və Azərbaycan İlahiyyat İnstitutunun tələbələrini maraqlandıran suallar cavablandırılıb.
Tədbir bədii proqramla başa çatıb. Konsertdə Azərbaycan musiqi mədəniyyətinin klassik və xalq irsini əhatə edən nümunələr səsləndirilib.
Ən son xəbərləri səhifəmizdən də izləyin