https://www.innews.az/uploads/news/2026-05/_innews_57005388e4cbd505e596a25f5_o.jpg
Azərbaycan Respublikasının Bolqarıstan Respublikasındakı Səfirliyinin təşəbbüsü ilə “Sinerjinin Gücü: Enerji Təhlükəsizliyi və Yaşıl Keçid” mövzusunda 14 may 2026-cı il tarixində işçi səhər yeməyi keçirilib. Tədbirdə aparıcı Bolqarıstan aparıcı ali təhsil müəssisələrinin nümayəndələri, enerji, yaşıl iqtisadiyyat və davamlı şəhərsalma üzrə mütəxəssisləri və digər tərəflər iştirak edərək, 2026-cı il üçün Sofiyada keçirilməsi planlaşdırılan yüksək səviyyəli müvafiq dəyirmi masa və hər iki ölkənin universitetləri arasında potensial konkret əməkdaşlıq layihələrinin hazırlanması ilə bağlı fikir mübadiləsi aparıblar.
Müzakirə Azərbaycan ilə Bolqarıstan arasında enerji təhlükəsizliyi, yaşıl keçid, dairəvi iqtisadiyyat, dayanıqlı şəhər inkişafı, texnoloji innovasiya və akademik tərəfdaşlıq sahələrində əməkdaşlığın gücləndirilməsi imkanlarına, eyni zamanda daha geniş regional və enerji dayanıqlılığı araşdırılmasına yönəlib.
Tədbirdə “Müqəddəs İvan Rilski” adına Dağ-Mədən və Geologiya Universitetinin, “Müqəddəs Kliment Oxridski” adına Sofiya Universitetinin, Bolqarıstanın Milli və Dünya İqtisadiyyatı Universitetinin, Bolqarıstanın Memarlıq, İnşaat və Geodeziya Universitetinin (UACEG) nümayəndələri, həmçinin SOCAR-ın Sofiya ofisinin nümayəndəliyinin təmsilçisi və Azərbaycan Milli Elmlər Akademiyasının vitse-prezidenti iştirak ediblər.
Müzakirələr zamanı iştirakçılar enerji mənbələrinin şaxələndirilməsinin təmin edilməsində, dayanıqlı enerji infrastrukturun gücləndirilməsində və enerji balansının tərkibində daha təmiz və daha dayanıqlı enerji sistemləri ilə balanslaşdırılmasında regional əməkdaşlığın artan əhəmiyyətini vurğulayıblar. Milli və şəhərlər səviyyəsində enerji təhlükəsizliyi, yaşıl transformasiya və yeni dayanıqlı iş yerlərinin yaradılmasına innovasiya yönümlü yanaşmaların dəstəklənməsində elmi institutların və akademik əməkdaşlığın roluna xüsusi diqqət yetirilibdir.
Müzakirələrdə həmçinin Azərbaycanın COP29 və qarşıdan gələn Ümumdünya Şəhərsalma Forumu (WUF13) kimi əsas beynəlxalq platformalar vasitəsilə artan qlobal töhfəsi vurğulandı ki, bu da ölkənin iqlim fəaliyyəti, davamlı şəhər inkişafı və tarazlı yaşıl keçid üzrə beynəlxalq dialoqun inkişaf etdirilməsinə və bu sahələrdə uzunmüddətli qlobal təşəbbüslərinin yaradılmasına sadiqliyini əks etdirir.
İştirakçı universitetlərin nümayəndələri Azərbaycan və Bolqarıstan universitetləri arasında bərpa olunan enerji, nüvə enerjisi, şəhər dayanıqlığı, sənaye innovasiyası və elmi mübadilə kimi sahələrdə tərəfdaşlığın gücləndirilməsinin vacibliyini vurğuladılar. İştirakçılar həmçinin dövlət-özəl-elmi tərəfdaşlığın ortaya çıxan regional və qlobal enerji çağırışlarının həllində strateji əhəmiyyətini vurğuladılar.
Görüş, həmçinin Səfirliyin təşəbbüsü ilə 2026-cı ildə Sofiyada keçirilməsi planlaşdırılan və enerji təhlükəsizliyi və yaşıl keçid üzrə sinerjinin təmin edilməsi üzrə dialoq və əməkdaşlığı daha da inkişaf etdirmək üçün siyasətçiləri, universitetləri, elmi dairələri, özəl sektoru və beynəlxalq mütəxəssisləri bir araya gətirəcəyi gözlənilən müvafiq yüksək səviyyəli dəyirmi masaya hazırlıq platforması rolunu oynadı.
Ən son xəbərləri səhifəmizdən də izləyin
