https://www.innews.az/uploads/news/2022-12/_innews_1e5e8a225bb46125bbb9a2d13_o.jpg
Özbəkistan Respublikasının Baş nazirinin müavini, investisiya və xarici ticarət naziri Cəmşid Xocayevin rəhbərlik etdiyi nümayəndə heyəti ilə Bakı Limanında geniş tərkibli görüşü keçirilib.
Nümayəndə heyətində həmçinin Özbəkistan Respublikasının nəqliyyat naziri, İlham Maxkamov, Özbəkistanın Azərbaycandakı səfiri Baxrom Əşrəfxanov, Özbəkistanın dövlət qurumlarının rəsmiləri və özəl şirkətlərin rəhbələri təmsil olunub.
Bakı Limanının Baş direktoru Taleh Ziyadov və Azərbaycan Respublikasının İqtisadiyyat Nazirinin müavini Sahib Məmmədov qonaqları qəbul edib.
Görüş zamanı tərəflər arasında Özbəkistanda fəaliyyət göstərən quru limanlar ilə Bakı Limanı arasında əməkdaşlığın daha da genişləndirilməsi, Özbəkistan biznes dairlərinin Bakı Limanında həyata keçirilən infrastuktur layihələrində iştirakı, Bakı Limanı üzərindən Asiya və Avropaya arasında yükdaşımalarının artırılması perspektivləri müzakirə edilib.
Qeyd edək ki, Özbəkistan ilə Bakı Limanı arasında yük dövriyyəsi artmaqda davam edir. Belə ki, cari ilin 11 ayı ərzində yükdaşımaların həcmi 853 min tondan çox olub ki, bu da 2021-ci ilin müvafiq dövrü ilə müqayisədə 83 % çoxdur. Yük dövriyyəsinin əsas hissəsini təkərli nəqliyyat vasitələri, konteynerlər, quru yüklər, neft və neft məhsulları üstünlük təşkil edib.
Ən son xəbərləri səhifəmizdən də izləyin
