logo
Həsən Mansurov: Azərbaycanın gov.az seqmentinə qarşı kiberhücumlar həyata keçirilib

Həsən Mansurov: Azərbaycanın gov.az seqmentinə qarşı kiberhücumlar həyata keçirilib

Həsən Mansurov: Azərbaycanın gov.az seqmentinə qarşı kiberhücumlar həyata keçirilib Həsən Mansurov: Azərbaycanın gov.az seqmentinə qarşı kiberhücumlar həyata keçirilib

Son dövrlərdə Azərbaycanın bəzi informasiya resurslarına, o cümlədən gov.az seqmentinə qarşı DDoS və digər növ kiberhücumlar həyata keçirilib.

"innews media" xəbər verir ki, bunu Dövlət Təhlükəsizliyi Xidmətinin (DTX) rəis müavini Həsən Mansurov Bakıda keçirilən Kiberdiplomatiya üzrə II Beynəlxalq Konfransda (ICCD 2026) çıxışı zamanı bildirib.

Onun sözlərinə görə, kiber və texnoloji imkanlar geosiyasi təzyiq vasitəsinə çevrilib və bu cür hücumlar milli təhlükəsizlik üçün real risklər yaradır.

Mansurov qeyd edib ki, Azərbaycanın enerji, nəqliyyat və kommunikasiya infrastrukturlarının kibertəhlükəsizliyi yalnız ölkənin milli maraqları baxımından deyil, həm də beynəlxalq enerji təchizatı, ticarət və iqtisadi əlaqələr üçün əhəmiyyət daşıyır.

DTX rəsmisi bildirib ki, bu ilin oktyabrında Avropa ölkələrindən birində dövlətin rəqəmsal xidmətlərinə qarşı kiberhücum nəticəsində təxminən 11 milyon sorğu vasitəsilə 750 minə yaxın fərdi identifikasiya nömrəsinə aid məlumatlar icazəsiz əldə edilib.

O, həmçinin Azərbaycanın BMT-nin və Avropa Şurasının kibercinayətkarlığa qarşı konvensiyalarını ratifikasiya etdiyini vurğulayaraq, kiberməkanda əsas problemin qaydaların yoxluğundan daha çox onların icrası ilə bağlı olduğunu bildirib.

Mansurovun sözlərinə görə, kiberdiplomatiyanın effektivliyi bəyanatlarla deyil, konkret praktiki nəticələrlə ölçülməlidir.

footer
Top

Ən son xəbərləri səhifəmizdən də izləyin

innews media