https://www.innews.az/uploads/news/2026-11/_innews_3d0ed819307d2fbbcc530c2c8_o.jpg
Noyabrın 19-da Bakıda Türkiyə, Azərbaycan və Şimali Kipr Türk Respublikası arasında qardaşlıq əlaqələrinə həsr olunan “Gönülden Gönüle Kardeşlik Nağmeleri” adlı musiqi proqramı təşkil ediləcək. TRT-nin səs sənətçisi, dirijor Yıldırım Bekçinin rəhbərliyi ilə Türk Musiqisi Xoru konsert proqramı ilə çıxış edəcək.
"innews media" xəbər verir ki, tədbir Bakı Yunus Əmrə İnstitutu, Şimali Kipr Türk Cümhuriyyətinin Bakı nümayəndəliyi və Beynəlxalq Muğam Mərkəzinin birgə təşkilatçılığı ilə keçiriləcək.
Konsertdə TRT-nin səs sənətçisi və dirijor Yıldırım Bekçinin rəhbərlik etdiyi Türk Musiqisi Xoru türk musiqisinin seçilmiş əsərlərini ifa edəcək.
“Gönülden Gönüle Kardeşlik Nağmeleri” adlı proqram Türkiyə, Azərbaycan və Şimali Kipr Türk Respublikası arasındakı qardaşlıq əlaqələrinin musiqinin universal dili vasitəsilə təqdim olunmasını hədəfləyir.
Tədbir noyabrın 19-da saat 19:00-da Beynəlxalq Muğam Mərkəzində keçiriləcək.
Ən son xəbərləri səhifəmizdən də izləyin