logo
Vətəndaşların diqqətinə: Bu dörd tanınmış tibb müəssisəsinə hamı müraciət edə bilər

Vətəndaşların diqqətinə: Bu dörd tanınmış tibb müəssisəsinə hamı müraciət edə bilər

Vətəndaşların diqqətinə: Bu dörd tanınmış tibb müəssisəsinə hamı müraciət edə bilər Vətəndaşların diqqətinə: Bu dörd tanınmış tibb müəssisəsinə hamı müraciət edə bilər

Son günlər sosial şəbəkələrdə və ictimaiyyət arasında Bakıda fəaliyyət göstərən bəzi ixtisaslaşmış tibb müəssisələrinə müraciət imkanları ilə bağlı çoxsaylı suallar yaranıb. Sakinlər arasında bu mərkəzlərin yalnız müəyyən imtiyazlı və ya xüsusi qruplar üçün nəzərdə tutulduğu barədə yanlış təsəvvürlər mövcuddur. Lakin rəsmi məlumatlar göstərir ki, qapılar bütün sakinlər üçün tamamilə açıqdır.

Bütün Azərbaycan vətəndaşları aşağıda qeyd olunan dörd mühüm səhiyyə müəssisəsinə sərbəst şəkildə müraciət edərək tibbi xidmətlərdən yararlana bilərlər:

- Respublika Ailə Planlanması Məsləhətxanası: Reproduktiv sağlamlıq, sonsuzluq və nikahdan əvvəl icbari müayinə sahəsində ixtisaslaşan mərkəz yaşından və cinsindən asılı olmayaraq hər bir vətəndaşı qəbul edir.

- Bakı Şəhər Herontoloji Mərkəzi: Mərkəzin əsas profili yaşlılıq dövrü xəstəlikləri olsa da, qurumun rəsmi açıqlamasına görə, həm gənc, həm də yaşlı vətəndaşlar profilaktik müayinə və sağlam yaşlanma məsləhətləri üçün bura müraciət edə bilərlər.

- Yazıçılar Poliklinikası: Geniş yayılmış rəyin əksinə olaraq, bu müəssisə yalnız yaradıcı şəxslər üçün deyil. Növbəlilikdə üstünlük yazıçılara və onların ailə üzvlərinə verilsə də, ümumi poliklinika xidmətlərindən bütün vətəndaşlar yararlana bilər.

- Respublika Psixi Sağlamlıq Mərkəzi: Psixoloji dəstəyə, stress, nevrotik halların aradan qaldırılmasına və ya psixiatrik yardıma ehtiyacı olan hər bir şəxs müəssisəyə maneəsiz müraciət edə bilər.

Vətəndaşların qeyd olunan mərkəzlərdə qəbula yazılması üçün şəxsiyyəti təsdiq edən sənədlə yaxınlaşması kifayətdir.

Qeyd edək ki, yalniz Müharibə Veteranlarının Respublika Xəstəxanasına ümumi vətəndaşların birbaşa müraciət etməsi mümkün deyil. Bu müəssisə xüsusi statuslu xəstəxana olduğu üçün yalnız müharibə veteranları, şəhid ailələri və onlara bərabər tutulan şəxslərə xidmət göstərir.

Vüsal 

footer
Top

Ən son xəbərləri səhifəmizdən də izləyin

innews media