https://www.innews.az/uploads/news/2026-10/_innews_497b2ab0c42570cac54d38c5f_o.jpg
Azərbaycan Dövlət Pedaqoji Universitetində 18 Oktyabr - Müstəqilliyin Bərpası Gününə həsr edilmiş tədirlər keçirilib.
Riyaziyyat fakültəsində keçirilən tədbirdə fakültə rəhbərliyi, professor-müəllim heyəti və tələbələr iştirak ediblər. Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Azərbaycanın müstəqilliyi və ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan fakültənin dekanı dosent AllahverdinCəfərov 18 Oktyabr – Müstəqilliyin Bərpası Gününün Azərbaycan xalqının tarixindəki mühüm əhəmiyyətindən bəhs edib. O, dövlət müstəqilliyinin bərpasının xalqımızın azadlıq mübarizəsinin və milli iradəsinin təntənəsi olduğunu vurğulayıb.
Daha sonra fakültənin dekan müavini dosent əvəzi Musa Rzayev və Riyaziyyatın tədrisi texnologiyası kafedrasının müdiri dosent Novruz Nəsirov çıxış edərək Azərbaycanın müstəqilliyinin bərpasına aparan tarixi proseslər, dövlətçilik ənənələrinin qorunması və müstəqilliyin möhkəmləndirilməsi istiqamətində görülən işlər barədə fikirlərini bölüşüblər.
Tədbir çərçivəsində 18 Oktyabr – Müstəqilliyin Bərpası Gününün tarixi əhəmiyyətini əks etdirən videoçarx nümayiş etdirilib.
Müzakirələrdə Azərbaycanın dövlət müstəqilliyinin qorunmasının, milli dəyərlərimizin yaşadılmasının və gənc nəslin vətənpərvərlik ruhunda yetişdirilməsinin vacibliyi vurğulanıb.
Quba filialında Müstəqilliyinin Bərpası Gününə həsr olunmuş “18 Oktyabr – Milli iradəmizin təntənəsi” adlı tədbir keçirilib.
Açılış nitqi ilə çıxış edən ADPU-nun Quba filialının direktor müavini pedaqogika üzrə fəlsəfə doktoru p.ü.f.d Aysel Şeydayeva tədbir iştirakçılarına işgüzar səfərdə olan filialın direktoru professor Yusif Alıyevin təbriklərini çatdırıb, 18 Oktyabrın Azərbaycan tarixində tutduğu müstəsna yer barədə danışıb.
Humanitar elmlər kafedrasının baş müəllimi, Əməkdar mədəniyyət xadimi Elza Orucova, dekan müavini t.ü.f.d. Mürvət Əliyev və filialın tələbəsi Əli Daşdəmirov çıxışlarında günün əhəmiyyəti, dövlət müstəqilliyimizin bərpasının tarixi əhəmiyyətindən söz açıblar.
Tədbir çərçivəsində öz yaradıcılığı və istedadı ilə seçilən tələbələrin ifasında şeirlər səsləndirilib. Münsiflər heyəti tərəfindən tələbələrin çıxışları dinlənilib, qaliblər müəyyən olunaraq mükafatlandırılıblar.
Ən son xəbərləri səhifəmizdən də izləyin
