Azərbaycanda pivə istehsalı azalıb, ixrac isə kəskin artıb

2026-cı ilin ilk yarısında Azərbaycanda pivə istehsalında azalma qeydə alınıb, ixracda isə əhəmiyyətli artım müşahidə olunub.

"innews media" xəbər verir ki, 2026-cı ilin yanvar–iyun aylarında ölkədə 2 562,9 min dekalitr pivə istehsal edilib.

Bu göstərici ötən ilin eyni dövrü ilə müqayisədə 0,9 faiz azdır.

Bununla yanaşı, ilin ilk beş ayında pivə idxalında da azalma qeydə alınıb. Belə ki, 2026-cı ilin yanvar–may aylarında ölkəyə 119,7 min dekalitr pivə idxal olunub. Bu, ötən ilin eyni dövrü ilə müqayisədə 34 faiz azdır.

Pivə ixracında isə əksinə, ciddi artım baş verib. Hesabat dövründə ölkədən 31,07 min dekalitr pivə ixrac edilib ki, bu da illik müqayisədə 97,9 faiz çoxdur.

Beləliklə, 2026-cı ilin ilk yarısında pivə istehsalı və idxalı azalsa da, ixrac göstəricisində təxminən iki dəfəlik artım qeydə alınıb.