https://www.innews.az/uploads/news/2026-07/_innews_ccfcf250cfdb1a90cbded357d_o.jpg
“Sabirabad Gənclər evi” sosial xidmət müəssisəsinin təşkilatçılığı ilə "22 İyul – Milli Mətbuat və Jurnalistika Günü" münasibətilə “Kür-Araz” qəzetinin redaksiyasına ekskursiya təşkil olunub.
Ekskursiyanın əsas məqsədi gəncləri milli mətbuatın tarixi, jurnalist peşəsinin əhəmiyyəti və media sahəsinin fəaliyyəti ilə yaxından tanış etmək olub.
Ekskursiya zamanı iştirakçılar “Kür-Araz” qəzetinin təsisçisi və məsul redaktoru, “Muğan-Şirvan” qəzetinin təsisçisi və baş redaktoru Elçin Nəsib ilə görüşüblər. Görüşdə Elçin Nəsib jurnalistika sahəsində qazandığı uzunmüddətli təcrübə, mətbuatın cəmiyyətin inkişafındakı rolu, peşə fəaliyyətində qarşılaşdığı təcrübələr və gənclərin media sahəsinə marağının artırılmasının əhəmiyyəti barədə ətraflı məlumat verib.
Eyni zamanda “Sabirabad Gənclər evi” sosial xidmət müəssisəsinin dərnək rəhbəri Hüsniyyə Sultanova da mövzu ilə bağlı öz fikirlərini bölüşüb. İştirakçılar onları maraqlandıran sualları redaksiya əməkdaşlarına ünvanlayıblar. Daha sonra gənclər qəzetin çap prosesi ilə yaxından tanış olublar.
Qeyd edək ki, Elçin Nəsib uzun illərdir Azərbaycan mətbuatında səmərəli fəaliyyət göstərir. O, jurnalist, yazıçı və redaktor kimi milli mətbuatın inkişafına mühüm töhfələr verib, bir sıra kitabların müəllifi olmaqla yanaşı, Sabirabadda ədəbi mühitin formalaşmasında da mühüm rol oynayır.
Ən son xəbərləri səhifəmizdən də izləyin
