Bakıda üç yol sahəsində hərəkət məhdudlaşdırılır - Sürücülərə xəbərdarlıq

Paytaxtda aparılan təmir işləri ilə əlaqədar daha üç yol sahəsində nəqliyyat vasitələrinin hərəkətinə mərhələli şəkildə məhdudiyyət tətbiq olunacaq.

"INNews Media" xəbər verir ki, təmir işləri ilə əlaqədar 13 iyul 2026-cı il saat 07:00-dək aşağıdakı ərazilərdə nəqliyyatın hərəkəti mərhələli şəkildə tam məhdudlaşdırılacaq:

- Səməd Vurğun küçəsi – Füzuli küçəsindən Abbasqulu ağa Bakıxanov küçəsinədək olan hissədə;

- Nazim Hikmət küçəsi – Həsən bəy Zərdabi və Mətbuat prospektlərindən Abbas Mirzə Şərifzadə küçəsinədək olan hissədə;

- Sənan Abdullayev küçəsi (Baksol yolu) – Ziya Bünyadov prospektindən Sənan Abdullayev küçəsi, Döngə 1-dək olan hissədə.

Sürücülərə qeyd olunan müddətdə alternativ marşrutlardan istifadə etmələri, müvəqqəti yol nişanlarının və hərəkətin tənzimlənməsi ilə bağlı göstərişlərə əməl etmələri tövsiyə olunur.

Aidiyyəti qurum yaranacaq müvəqqəti narahatlığa görə vətəndaşlardan anlayış göstərmələrini xahiş edib.