https://www.innews.az/uploads/news/2026-07/_innews_7d925296fd7c173dc9c935a16_o.jpg
Paytaxtda yol infrastrukturunun yenilənməsi işləri çərçivəsində daha iki küçədə asfalt örtüyünün təmiri həyata keçiriləcək.
"INNews Media" xəbər verir ki, bu məqsədlə təmir işləri aparılacaq ərazilərdə nəqliyyat vasitələrinin hərəkəti müvəqqəti olaraq tam məhdudlaşdırılacaq.
Belə ki, Abbasqulu ağa Bakıxanov küçəsinin Azadlıq prospektindən Ceyhun Hacıbəyli küçəsinədək olan hissəsində 3 iyul saat 21:00-dan 6 iyul saat 06:00-dək yol tam bağlanacaq.
Həmçinin Nazim Hikmət küçəsinin Mətbuat prospektindən Abbas Mirzə Şərifzadə küçəsinədək olan hissəsində isə 5 iyul saat 07:00-dan 7 iyul saat 23:00-dək asfalt örtüyünün yenilənməsi ilə əlaqədar nəqliyyatın hərəkətinə tam məhdudiyyət tətbiq ediləcək.
Sürücülərə təmir işləri aparılan müddətdə alternativ marşrutlardan istifadə etmələri, müvəqqəti yol nişanlarının və hərəkətin təşkili ilə bağlı tənzimləyici vasitələrin tələblərinə əməl etmələri tövsiyə olunur.
Aidiyyəti qurum yaranacaq müvəqqəti narahatlığa görə vətəndaşlardan anlayış göstərmələrini xahiş edib.
Ən son xəbərləri səhifəmizdən də izləyin
