https://www.innews.az/uploads/news/2026-05/_innews_f6e35dc5314775efefdb65db3_o.jpg
Max Verstappen Kanada Qran Prisi öncəsi Red Bull Racing-in son inkişaflarından razı qaldığını və ilk üç komanda ilə aradakı fərqi azaltmağa ümid etdiyini bildirib.
Dördqat dünya çempionu qeyd edib ki, Mayami Qran Prisində əldə olunan “əla irəliləyiş” komandanın mövsümün qalan hissəsinə daha nikbin yanaşmasına səbəb olub.
Verstappen bildirib ki, Red Bull hazırda daha rəqabətli vəziyyətə gəlib və əsas məqsəd lider komandalarla mübarizəyə daha da yaxınlaşmaqdır:
“Mayami bizim üçün böyük bir addım idi. İndi məqsəd fərqi daha da azaltmaqdır”.
Pilotun sözlərinə görə, komanda çox motivasiyalıdır və qarşıdakı yarışlara yüksək enerji ilə hazırlaşır.
O əlavə edib ki, Kanada trası Mayamidən fərqli xüsusiyyətlərə malikdir və bu səbəbdən nəticələrdə dəyişikliklər ola bilər:
“Hər yarış fərqlidir, burada da sürprizlər ola bilər”.
Verstappen həmçinin son günlər Nürburqrinqdə keçirilən 24 saatlıq yarışda iştirakını da xatırladıb və təcrübəni müsbət qiymətləndirib. Onun sözlərinə görə, yarış atmosferi, azarkeşlər və təşkilatçılıq yüksək səviyyədə olub, lakin texniki problem səbəbindən nəticə istədiyi kimi olmayıb.
Buna baxmayaraq, pilot ümumi təcrübəni “çox müsbət” adlandırıb və yarışın həm sürücülər, həm də azarkeşlər üçün böyük dəyər daşıdığını vurğulayıb.
Ən son xəbərləri səhifəmizdən də izləyin
