https://www.innews.az/uploads/news/2026-05/_innews_0854ace7d0eb36f8958b1d269_o.jpg
Lewis Hamilton Kanada Qran Prisi öncəsi hazırlıq prosesində fərqli yanaşma seçdiyini açıqlayıb. Ferrari pilotu bildirib ki, Maranellodakı simulyator üzərində aparılan işlər hər zaman trekdə real nəticələrlə üst-üstə düşmür.
Britaniyalı sürücü qeyd edib ki, son yarışlarda yaşadığı çətinliklər onu hazırlıq metodlarını yenidən nəzərdən keçirməyə vadar edib. Hamilton buna görə də Kanada Qran Prisi öncəsi simulyator sessiyalarından imtina etdiyini bildirib.
Yeddiqat dünya çempionunun sözlərinə görə, simulyatorda əldə edilən sazlamalar bəzən trasda tam fərqli nəticə verir:
“Simulyatorda rahat hiss etdiyin sazlamalar trasda eyni effekti verməyə bilər. Bəzən tam əksini görürsən”.
Hamilton bildirib ki, bu dəfə daha çox məlumat analizinə və mühəndislərlə texniki detallara fokuslanmağa qərar verib. O, xüsusilə əyləc balansı, mexaniki balans və döngələrə giriş strategiyası üzərində geniş işlədiklərini qeyd edib.
Pilot əlavə edib ki, simulyator Ferrari üçün vacib alət olaraq qalır və onun bu qərarı komandanın işinə inamsızlıq kimi qiymətləndirilməməlidir:
“Bu, indiyə qədər gördüyüm ən yaxşı simulyatorlardan biridir və orada inanılmaz komanda çalışır”.
Hamilton həmçinin vurğulayıb ki, 2025 mövsümündə ən uğurlu həftəsonlarından birini Çində keçirib və həmin yarışdan əvvəl simulyatorda çalışmamışdı.
Ferrari son yarışlarda istənilən nəticələri əldə edə bilməyib. Həm Hamilton, həm də komanda yoldaşı Charles Leclerc son performanslardan narazılıqlarını açıq şəkildə ifadə ediblər.
Komanda Kanada Qran Prisində daha uğurlu nəticə əldə etməyə çalışacaq.
Ən son xəbərləri səhifəmizdən də izləyin
