Elmi irs şöbəsinin əməkdaşları Milli arxiv idarəsində təcrübə keçiblər

Elmi irs şöbəsinin əməkdaşları Milli arxiv idarəsində təcrübə keçiblər Elmi irs şöbəsinin əməkdaşları Milli arxiv idarəsində təcrübə keçiblər https://www.innews.az/az/news/id-61055

Azərbaycan Milli Elmlər Akademiyası Rəyasət Heyəti Aparatının Elmi irs şöbəsinin əməkdaşları Azərbaycan Respublikası Milli Arxiv İdarəsinin Arxiv sənədlərinin nəşri, istifadəsi, informasiya təminatı, Arxiv işinin rəqəmsallaşdırılması və innovasiyalar şöbələri, Azərbaycan Respublikası Milli Arxiv İdarəsi nəzdində Mərkəzi Laboratoriyada təcrübə keçiblər.

Əməkdaşlar Milli Arxiv İdarəsində arxiv sənədlərinin elektron daşıyıcılara köçürülməsi, rəqəmsallaşdırılması, skaner avadanlığının iş prinsipləri, arxiv sənədlərinin dövlət informasiya ehtiyatları və sistemlərinə inteqrasiyası ilə bağlı biliklərini təkmilləşdiriblər.

Azərbaycan Respublikası Milli Arxiv İdarəsinin Dövlət Arxivləri sənədlərinin mikrofilmləşdirilməsi, bərpası, cildlənməsi üzrə Mərkəzi Laboratoriyada əməkdaşların keçdiyi təcrübə proqramı başa çatıb.

Təlim müddətində əməkdaşlar arxiv sənədlərinin bərpası istiqamətində praktiki fəaliyyətə cəlb olunan, zədələnmiş sənədlərin bərpasını həyata keçiriblər. Elmi irs şöbəsinin Rəqəmsal arxiv sektorunun müdiri Ramin Həsənov, baş mütəxəssislər –Milana Aydınovna, Nofəl Həmidov bərpa prosesinə cəlb edilən sənədlərin müvafiq mərhələlərdən keçirilməsi prosesini öyrəniblər.

Hazırda şöbədə mühafizə edilən sənədlərin rəqəmsallaşdırılması, bərpası və cildlənməsi prosesi davam etdirilir.