Ağsu 1 saylı mediasiya təşkilatı ilə Ağsu Rayon İcra Hakimiyyəti arasında görüş keçirilib

Ağsu 1 saylı Mediasiya Təşkilatının direktoru Bəhruz Nəsirovun təşkilatçılığı ilə mediasiyanın təhlili və keyfiyyətli barışıq sazişlərinin məzmunu mövzusunda müzakirə keçirilib.

Tədbirdə Kürdəmir rayonu üzrə fəaliyyət göstərən mediator Nicat Rüstəmov, Ağsu Rayon İcra Hakimiyyəti Başçısı Aparatının Hüquq şöbəsinin məsləhətçisi Seymur Həsənov, ictimai-siyasi və humanitar məsələlər şöbəsinin baş məsləhətçisi Umud Cavid, sosial-iqtisadi inkişafın təhlili və proqnozlaşdırılması şöbəsinin müdir müavini Sadiq Nəsirov iştirak ediblər.

Görüş zamanı mediasiya proseslərinin effektivliyinin artırılması, barışıq sazişlərinin keyfiyyətinin yüksəldilməsi və bu sahədə əməkdaşlığın gücləndirilməsi istiqamətində fikir mübadiləsi aparılıb.