ABB konsolidə edilmiş maliyyə hesabatlarını açıqlayıb

“ABB Maliyyə Qrupu” 2024-cü il 30 iyun tarixinə cari ilin birinci yarımili üzrə konsolidə edilmiş maliyyə hesabatlarını açıqlayıb.

Hesabatda ABB-nin, bankın törəmə şirkətləri olan “ABB-Moskva”nın, “ABB-GEO” QSC-nin, “Azərikard” prosessinq mərkəzinin, “Beynəlxalq Lizinq Şirkəti”nin və “ABB-İnvest” İnvestisiya Şirkətinin 6 aylıq fəaliyyət nəticələri öz əksini tapıb.

Qrupun xalis mənfəəti 2024-cü ilin ilk 6 ayında (yanvar-iyun) ötən ilin eyni dövrü ilə müqayisədə 33 milyon 597 manat və ya 20,6 faiz artaraq 196 milyon 801 min manata çatıb. Bank bu müddət üzrə 50 milyon 315 min manat mənfəət vergisi xərci hesablayıb. “ABB Qrupu”nun 6 aylıq maliyyə hesabatlarını qlobal audit, konsaltinq, vergi və əməliyyat xidmətləri şirkəti olan EY şirkəti təhlil edib.

Xatırladaq ki, cari ilin 11 iyun – 24 sentyabr tarixləri arasında həyata keçirilən səhm emissiyası nəticəsində ABB-nin səhmdarlarının sayı 35 min 105 nəfərə qədər artıb. Bankda özəl səhmdar payı 7,8 faizə yüksəlib.

ABB-nin müasir, faydalı və universal məhsul və xidmətləri barədə məlumatları bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi feysbuk səhifəsindən əldə etmək olar.