Uşaqlar internet məkanda zərərli informasiyadan qorunmalıdırlar!

“Hüquqi Təhlil və Araşdırmalar” İctimai Birliyi tərəfindən 27 may 2024-cü il tarixdə Samux şəhərində və 29 May tarıxındə Bakı şəhərində “Media materiallarında uşaq hüquqlarının pozulması və özəl həyat hüququ” ilə bağlı təlim və focus qrup müzakirələri keçirilmişdir.

Yerli icra, ədliyyə, vəkillik, mediasiya və QHT nümayəndələrinin iştirakı ilə keçirilən görüşlərdə təşkilatın sədri Ramil İskəndərli, layihə eksperti Fariz Əkbərov, layihənin beynəlxalq təlimçi eksperti Nik Nwolisa və bu sahədə hüquq sistemində uşaqlara həssas yanaşması müzakirə edilmişdir.

Günün ikinci yarısında isə Media materiallarında uşaq hüquqlarının pozulması halları ilə bağlı focus qrup müzakirələri keçirilmişdir.

Tədbirlərdə eyni zamanda uşaqların zərərli informasiyadan qorunması mexanizmləri, məxfilik və özəl həyat hüququ və digər uşaq hüquqları məsələləri barədə geniş fikir mübadiləsi aparılmışdır.

Bu görüşlər Avropa İttifaqının maliyyə dəstəyi ilə BMT-nin İnkişaf Proqramının həyata keçirdiyi "Azərbaycanda innovasiya əsaslı və dayanıqlı vətəndaş cəmiyyətinin inkişafı" layihəsi çərçivəsində 2023-cü il noyabr ayından etibarən "Hüquqi Təhlil və Araşdırmalar" İctimai Birliyi tərəfindən "Azərbaycanda Yuvenal Ədliyyə Sistemində İslahatlara Vətəndaş Cəmiyyətinin Dəstəyi" təşəbbüsü çərçivəsində təşkil edikmişdir.