https://www.innews.az/uploads/news/2022-08/_innews_7a3c39e88c43fa615905281fd_o.jpg
Qazaxıstanla Azərbaycan arasında diplomatik münasibətlərin qurulmasının 30 illiyinin qeyd edilməsi çərçivəsində 5 avqust tarixində Bakının Dənizkənarı bulvarında içərisində 6-31 avqust tarixlərində “Welcome to KZ” informasiya-turizm mərkəzi çalışacağı 10 kəndirli qazax yurtasının açılış mərasimi baş tutub.
Tədbiri açan Qazaxıstan Səfiri Serjan Abdıkarimov dövlətlərarası münasibətlərin yüksək səviyyəsini qeyd edib və sözügedən layihənin çoxəsrlik dostluq tellərinə və ümumi tarixinə malik iki qardaş xalqlarının mənəvi yaxınlaşmasına və mədəni qarşılıqlı zənginləşməsinə yönəldiyini bildirib. Diplomat qeyd edib ki, yurta ziyarətçilərin Qazaxıstanın müasir inkişafı, mədəni və turistik görməli yerləri, ölkənin tarixi və ənənələri ilə tanış olmaq, qədim köçərilərin dünyasına daxil olmaq, Böyük Çöl ölkəsinin melodiyaları dinləmək, milli təamların dadına baxmaq imkanını qazanacaqlar.
Tədbirin əvvəlində qonaqlara Almatı şəhərinin, “Qazaxıstan” mehmanxanasının, “Şımbulak” dağ-hizək kurortunun, “Air Astana” aviaşirkətinin, “Baykonur” kosmodromunun və “Kıran” milli şahin ovu mərkəzinin turizm stendləri və asıki milli oyunu təqdim olunub.
Sonradan yurtada AR-nın Yazıçılar Birliyinin katibi Çingiz Abdullayevin iştirakı ilə tanınmış yazıçı-tərcüməçi və nəsri Nəriman Əbdülrəhmanlının Azərbaycan dilində olan “Qazax Nəsrinin Antologiyası” kitabının təqdimatı keçirilib. Sözügedən topluya Abay, Şakarim Kudayberdiyev, İlyas Cansuqurov, Baimbet Maylin, Muxtar Auezov, Sabit Mukanov, Qabit Musrepov, Qabiden Mustafin, İlyas Yesenberlin, Kemel Tokayev, Abicamil Nurpeisov, Anuar Alimjanov, Baxıtjan Momışulı, Abiş Kekilbayev, Şerxan Murtaz, Muxtar Maqauin, Oljas Suleymenov, Dulat İsabekov, Rollan Seysenbayev və Qazaxıstanın digər tanınmış ədibilər də daxil olmaqla, 54 qazax qələm ustasının əsərləri daxil edilib.
Azərbaycanın dövlət və ictimai-yaradıcılıq dairələrin nümayəndələri baş tutan aksiyanı yüksək dəyərləndiriblər və Qazaxıstanın zəngin mədəni irsini, iki qohum xalqları arasında etnik qarşılıqlı əlaqələrin tarixi kəsişməsini qeyd ediblər.
Tədbirin sonunda qonaqlar qazax mətbəxinin ənənəvi xörəklərin dadına baxmaq və “Şımbulak” kurortunun otelində və Almatı şəhərinin “Qazaxıstan” mehmanxanasında yaşamaqla, Bakı-Almatı-Bakı marşrutu üzrə iki aviabiletlərin lotereya oynanılmasında iştirak etmək imkanını qazanıblar.
“Bakının Dənizkənarı bulvarında qazax yurtası” layihəsi 31 avqust tarixində öz işini davam etdirəcək və bunun çərçivəsində Almatı və Şımkent şəhərləri, Almatı, Türkistan və Manqıstan vilayətlər öz turizm potensialını nümayiş etdirəcəklər, mədəni, konsert və əyləncə proqramları keçirəcəklər.
Tədbirlər Qazaxıstan Səfirliyinin, “Discover Almaty” turizm şirkətinin, “Air Astana” aviaşirkətinin və Qazaxıstanın Azərbaycandakı Ticarət Evinin dəstəyi ilə həyata keçirilir.
Ən son xəbərləri səhifəmizdən də izləyin
