Mediasiya Şurası Bakı Ali Neft Məktəbinin tələbələri ilə görüş keçirib

Bakı Ali Neft Məktəbi (BANM) ilə Mediasiya Şurası arasında səmərəli əməkdaşlığın nəticəsi olaraq 06 noyabr 2023-ci il tarixində

Bakı Ali Neft Məktəbinin tələbələri ilə görüş keçirilib.

Bakı Ali Neft Məktəbinin Karyera və tələbələrlə iş şöbəsinin mütəxəssisi Fəyyaz Həsənli çıxış edərək ölkəmizdə aparılan mediasiya islahatları barədə danışıb, Mediasiya Şurası və Bakı Ali Neft Məktəbi arasında olan əməkdaşlığın əhəmiyyətini qeyd edib.

Görüşdə Mediasiya Şurasını Bakı 18 saylı Mediasiya Təşkilatı təmsil edib. Bakı 18 saylı mediasiya təşkilatının rəhbəri Sadiq Bağırov, təşkilatın mediatorları Gültəkin Məmmədova və Qəndab Fərəcova tələbələrlə mediasiya ilə bağlı maarifləndirici çıxışlar edib və günümüzdə mediasiyanın rolu və əhəmiyyəti müzakirə olunub, tələbələrlə müxtəlif kazuslar müzakirə edilib və tələbələri maraqlandıran suallar cavablandırılıb.

Sonda tədbir iştirakçılarına Mediasiya Şurası tərəfindən nəşr edilmiş maarifləndirici materiallar təqdim edilib.