Nadir Adilov: "Mediasiya terminoloji, istiqamətverici yenilik olaraq qloballaşır"

“Mediasiya istər peşə olaraq, istərsə də mötəbər tədbirlərdə terminoloji, istiqamətverici yenilik olaraq qloballaşır”.

innews.media xəbər verir ki, bu sözləri Mediasiya Şurası İdarə Heyətinin sədri Nadir Adilov bildirib. O, qeyd edb ki, istər dünyada, istərsə də ölkəmizdə yeni - yeni formalaşan mediasiyanın inkişafında ən böyük təşəkkürlər cənab Prezident İlham Əliyevə düşür: “Mediator peşəsi yeni peşələrdən biri kimi, cənab Prezident İlham Əliyev tərəfindən imzalanmış Mediasiya haqqında Azərbaycan Respublikasının Qanunun nəticəsi olaraq yaranan, bu günün və gələcəyin, özündə etibarı, inamı, uzlaşmanı, razılaşmanı, münaqişəsiz nəticəni, barışı ehtiva edən peşəsidir. Ali və yüksək səviyyədə, cənab Prezidentimizin iştirakı ilə keçirilən bu mötəbər tədbir, biz mediatorların Türkdilli ölkələrin təmsilçiləri olaraq üzərimizə gələcək üçün böyük və şərəfli bir məsuliyyət qoyur. Türk dünyasına verilən bu mesajdan, mediasiyanın Türk dilli dövlətlərin mediatorları olaraq qarşılıqlı təşviqinində üzərimizə düşən vəzifəni layiqincə icra edəcəyik. Mediasiya sözünü termin olaraq belə, Ali tədbirin banerində görmək qürurvericidir”.