https://www.innews.az/uploads/news/2023-09/_innews_7980ce6021db3c92347a75219_o.jpg
"Mediasiya haqqında" Azərbaycan Respublikasının Qanununa görə, mediatorlar və yaxud da mediasiya təşkilatları vətəndaşlara hüquq məsləhətləri verə bilməz və hüquq xidmətləri göstərə bilməz.
Ölkəmizdə isə keyfiyyətli hüquqi xidmətlərin göstərilməsində müstəsna rolu olan vəkillərlə əməkdaşlıq Mediasiya Şurasının proritetlərindən biri olub. Vəkillər Kollegiyasının Rəyasət Heyətinin sədri Anar Bağırov və Mediasiya Şurasının İdarə Heyətinin sədri Nadir Adilov arasında imzalanmış müvafiq sazişin tələblərinə uyğun olaraq maraq konfiliktlərinin qarşısının alınması, mediatorlar və vəkillərin qarşılıqlı və sıx əlaqədə işləməsi və onların əməkdaşlığı nəticəsində barışıq sazişlərinin keyfiyyətinin və həcminin artması əsas prioritetlərdən biridir.
Yuxarıda qeyd edilənlərlə əlaqədar olaraq Şəki 1 saylı Mediasiya Təşkilatı ilə Balakən rayonunda Balakən rayon Vəkil Bürosu arasında və Zaqatala rayonunda Zaqatala rayon Vəkil Bürosu arasında 27 sentyabr 2023-cü il tarixdə əməkdaşlığa dair tədbirlər keçirilmişdir.
Şəki 1 saylı Mediasiya Təşkilatının direktoru Dərya Yaşarlının bildirdiyinə görə, Balakən rayonunda keçirilən görüşdə Şəki 1 saylı Mediasiya Təşkilatının rəhbəri qismində özü də daxil olmaqla, Mediasiya Şurası İntizam Komissiyasının üzvü Rəfael Cabbarov, Şəki 1 saylı Mediasiya Təşkilatının mediatorları Nizamə İsmayılova, Ulduz Hacıyeva, Balakən Vəkil Bürosunun müdiri Ceyhun Daanov, vəkillər Afər Mahmudov, Hidayət Muradov və Məlahət Emçiyevə iştirak etmişlər.
Həmçinin, Zaqatala rayonunda keçirilən görüşdə təşkilat rəhbəri Dərya Yaşarlı özü də daxil olmaqla, Mediasiya Şurası İntizam Komissiyasının üzrə Rəfael Cabbarov, Şəki 1 saylı Mediasiya Təşkilatının mediatoru Niyazi Məmmədov, Zaqatala Vəkil Bürosunun müdiri Samir Şərifov, vəkillər Cəbrayıl Əlişov, Şaban Məmmədov iştirak etmişlər.
Birgə keçirilən hər iki tədbir zamanı vəkillərin və mediatorların qarşılıqlı əməkdaşlığı, bir-birlərinə necə kömək edə bilmələri, vətəndaş məmnunluğunun birgə artırılması, keyfiyyətli mediasiya və hüquq xidmətlərinin göstərilməsi sahəsində davamlı uğurların əldə edilməsi, vəkillərin və mediatorların peşə fəaliyyətinin həyata keçirilməsi zamanı nəzərə alınmalı olan prinsiplərə riayət edilməsi, həmçinin mediasiya və vəkillik fəaliyyətində şəxslər arasında maraq toqquşmasının qarşısının alınması kimi məsələlər, mövcud problemlər və sair müzakirə edilmişdir.
Həmçinin, bu sahədə kifayət qədər uğurların əldə edilməsi ilə bağlı Mediasiya Şurası və Vəkillər Kollegiyasının çox sıx və səmərəli əməkdaşlıq etdikləri, bütün qayğıları və problemləri birlikdə çevik müzakirə edərək həll etdikləri tədbir iştirakçılarının diqqətinə çatdırılmışdır.
Bu kimi tədbirlərin təşkil edilməsi onu deməyə əsas verir ki, mediatorlar və vəkillər bu məsələlərdə nəinki çox gözəl əməkdaşlıq qurmuş, hətta mövcud problemlərin həllinə daha fundamental yanaşmağı üstün tutmuşlar.
Mediatorlarla vəkillərin sıx və səmərəli əməkdaşlığı bundan sonra da davam edəcək və birlikdə məhkəmə-hüquq islahatlarına dəstək ola biləcək bütün vasitələr tətbiq ediləcəkdir. Vəkillər və mediatorlar birgə böyük və həmrəy bir ailədir, hər birimiz bu ailənin üzvüyük və vətəndaş məmnunluğu bizim birgə həmrəyliyimizdən asılıdır
Həmçinin, 27 sentyabr 2023-cü il tarixdə Azərbaycan Respublikası Ailə, Qadın və Uşaq problemıəri üzrə Dövlət Komitəsi Zaqatala Uşaq və Ailələrə Dəstək Mərkəzində mərkəzin rəhbəri Cövhərət İbrahimovanın və həmin mərkəzin əməkdaşlarının iştirakı ilə birlikdə tədbir keçirilmişdir. Tədbir zamanı ailələrə, qadın və uşaqlara münasibətdə mediasiyanın üstün cəhətlərindən danışılmış, mübahisələrə mediasiyanın tətbiqi zamanı qadın və uşaqların diqqətdə saxlanılması, uşaqların mənafelərinin daha üstün tutulması və qorunmsı kimi mövzulara toxunulmuşdur.
Bundan başqa Mediasiya Şurası İdarə Heyətinin 30.03.2022-ci il tarixli qərarı ilə təsdiq olunmuş Mediasiya prosesi ilə bağlı sənədlərdə holoqramdan istifadə edilməsi haqqında Əsasnamənən tələblərinə uyğun olaraq 01 oktyabr 2023-cü il tarixdən tətbiqinə başlanılmalı olan holoqramlar Şəki 1 saylı Mediasiya Təşkilatının mediatorlarına təqdim edilmiş və bir daha holoqramların istifadə qaydaları mediatorlara ətraflı izah edilmişdir.
Ən son xəbərləri səhifəmizdən də izləyin
