“Şanlı zəfərin izində” - ADPU-da Zəfər Günü tədbiri

Noyabrın 5-də Azərbaycan Dövlət Pedaqoji Universitetində (ADPU) Tələbə Həmkarlar İttifaqı Komitəsinin (THİK) təşkilatçılığı ilə 8 Noyabr - Zəfər Gününə həsr olunmuş “Şanlı zəfərin izində” adlı ədəbi-bədii tədbir keçirilib.

Tədbir ADPU-nun rektoru professor Cəfər Cəfərovun giriş nitqi ilə başlayıb. Rektor çıxışında qeyd edib ki, 2020-ci ilin payızında xalqımız tarixinin ən mühüm qələbələrindən birini qazanıb. Ermənistanın təxribatlarına cavab olaraq Müzəffər Ali Baş Komandan, cənab Prezident İlham Əliyevin rəhbərliyi ilə Azərbaycan Ordusu 44 gün davam edən Vətən müharibəsində torpaqlarımızı işğaldan azad edib və ölkəmizin ərazi bütövlüyü təmin olunub.

Tədbirin bədii hissəsində tələbələr tərəfindən hazırlanmış vətənpərvərlik mövzulu milli musiqilər, rəqslər, şeir kompozisiyaları və qəhrəmanlıq səhnələri təqdim edilib.

Sonda ADPU THİK sədri Cəmilə Qurbanova tədbirin təşkilində iştirak edən tələbələrə təşəkkürünü bildirib və bütün iştirakçıları Zəfər Günü münasibətilə təbrik edib.

Tədbir xatirə fotosunun çəkilməsi ilə yekunlaşıb.