https://www.innews.az/uploads/news/2026-10/_innews_db806d308e5e79596b5e8888e_o.jpg
Bakı Dövlət Universiteti (BDU) ilə Özbəkistan Respublikasının Termez Dövlət Universiteti arasında əməkdaşlıq haqqında anlaşma memorandumu imzalanıb.
Sənədi BDU-nun rektoru Elçin Babayev və Termez Dövlət Universitetinin rektoru Abdukodir Toshkulov imzalayıblar.
Memorandum iki universitet arasında akademik əlaqələrin genişləndirilməsi, elmi əməkdaşlığın gücləndirilməsi və təcrübə mübadiləsinin inkişafı baxımından əhəmiyyət daşıyır.
Memorandumda hər iki universitetdə təlim-tədris prosesinin təkmilləşdirilməsi və beynəlxalq standartlara uyğunlaşdırılması məqsədilə birgə layihələrin həyata keçirilməsi, konfrans, sərgi, seminar, simpozium, qısamüddətli kurs və təlimlərin təşkili, eləcə də birgə elmi-tədqiqat işlərinin aparılması nəzərdə tutulur.
Sənəddə elmi jurnallarda birgə nəşrlərin hazırlanması, ortaq akademik proqramlar, tədris planları və sillabusların tərtib edilməsi, akademik və inzibati heyət, tələbə, magistrant, doktorant və tədqiqatçılar arasında mübadilənin təşkili kimi əməkdaşlıq istiqamətləri də əksini tapıb.
Ən son xəbərləri səhifəmizdən də izləyin
