https://www.innews.az/uploads/news/2026-10/_innews_d11b99037bfb2a59863fb8219_o.jpg
O, Ramazan Bayramında Bakıya səfər etdiyini unudulmaz fakt kimi qiymətləndirib
"Müzakirə etdiyimiz mövzu, Azərbaycan Prezidenti tərəfindən də dünən qeyd olunduğu kimi, ölkənin konstitusiya ənənələri, birgəyaşayış və dinlərarası dialoqla bağlıdır. Bunlar Azərbaycan cəmiyyətinin mahiyyətində, onun DNT-sində mövcud olan dəyərlərdir”.
Bunu Avropa Şurası Baş katibinin antisemitizm, anti-müsəlman nifrəti və dini dözümsüzlüyün bütün formaları üzrə Xüsusi Nümayəndəsi İrene Kitsou Bakıda keçirilən VII Ümumdünya Mədəniyyətlərarası Dialoq Forumu çərçivəsində Heydər Əliyev Mərkəzində təşkil olunan “Dinlərin dialoqu: Ortaq gələcəyə yol xəritəsi” adlı tədbirdə deyib.
İrene Kitsou Azərbaycanın Avropa Şurası ilə uzun illərdir davam edən əməkdaşlığını yüksək qiymətləndirib. O, Azərbaycanın Avropa Şurasının Baş katibinin Xüsusi Nümayəndəsinin Ofisinə göstərdiyi dəstəyi xüsusi qeyd edib.
Xüsusi nümayəndə Azərbaycanın təşəbbüsü ilə bir qrup nüfuzlu dini nümayəndənin 2022-ci ildə keçirilən tədbirdə iştirak etmək üçün Ramazan ayında Bakıya səfər etdiyini xatırladıb. O, bu təşəbbüsün dinlərarası dialoqun inkişafı baxımından əhəmiyyətini vurğulayıb və təyinatından sonra bu istiqamətdə işi davam etdirməyə xüsusi önəm verdiyini bildirib. İrene Kitsounun sözlərinə görə, dinlərarası dialoq mədəniyyətlərarası dialoqun mühüm tərkib hissəsidir: "Bu sahədə işə 2008-ci ildə başlanılıb. Hazırda Avropa Şurasının Baş katibinin rəhbərliyi altında Avropa üçün yeni demoqrafik pakt üzərində iş aparılır və birgəyaşayış prinsipi də həmin sənəddə öz əksini tapacaq".
Ən son xəbərləri səhifəmizdən də izləyin
