https://www.innews.az/uploads/news/2026-10/_innews_8d3a9ddedb6e37a68a63b41b9_o.jpg
Azərbaycan Respublikası Səhiyyə Nazirliyinin V.Y. Axundov adına Elmi-Tədqiqat Tibbi Profilaktika İnstitutunda 23–24 oktyabr 2026-cı il tarixlərində keçiriləcək I Milli Leyşmanioz Konfransına hazırlıq işləri davam etdirilir.
Oktyabrın 21-də tədbirin təşkili ilə bağlı hazırlıq iclası keçirilib, konfransın proqramı və təşkilati məsələlər müzakirə olunub.
Azərbaycanda ilk dəfə keçiriləcək beynəlxalq iştiraklı konfransda müxtəlif ölkələrdən qonaqların, ölkəmizin alimlərinin, elm xadimlərinin, həkimlərinin və laboratoriya mütəxəssislərinin iştirakı nəzərdə tutulur.
Tədbir proqramı:
23 oktyabr — V.Y. Axundov adına Elmi-Tədqiqat Tibbi Profilaktika İnstitutunda “Leyşmaniozun müasir laborator diaqnostikası və praktik yanaşmalar” mövzusunda workshop;
24 oktyabr — “Radisson Hotel Baku”da “Leyşmaniozun müasir diaqnostikası, müalicəsi və profilaktikasına multidissiplinar yanaşmalar” mövzusunda elmi konfrans.
Tədbirlər çərçivəsində leyşmaniozun epidemiologiyası, klinik xüsusiyyətləri, laborator diaqnostikası, müalicəsi və profilaktikası üzrə aktual elmi-praktik məsələlər müzakirə ediləcək.
Hər iki tədbir Azərbaycan Respublikası Səhiyyə Nazirliyinin Elmi Şurası tərəfindən akkreditasiya olunub: 23 oktyabr tarixində keçiriləcək workshop 6 DTT kredit balı, 24 oktyabr tarixində keçiriləcək konfrans isə 11 DTT kredit balı ilə qiymətləndirilib.
Konfrans Azərbaycan Respublikası Səhiyyə Nazirliyinin V.Y. Axundov adına Elmi-Tədqiqat Tibbi Profilaktika İnstitutu, Kənd Təsərrüfatı Nazirliyinin Baytarlıq Elmi-Tədqiqat İnstitutu və Elm və Təhsil Nazirliyinin Canlı Sistemlərin Tədqiqi İnstitutunun təşkilatçılığı ilə keçirilir.
Xəbərlərimizi işıqlandırdığınız üçün öncədən təşəkkürümüzü bildiririk. Xahiş tibb xəbərləri ilə əlaqəli nümayəndənizlə bizi əlaqələndirəsiniz.
Ən son xəbərləri səhifəmizdən də izləyin
