"Göstərdiyimiz səviyyəni nəzərə alsaq...": Arda Turan

“Şaxtyor”un baş məşqçisi Arda Turan UEFA Çempionlar Liqasının liqa mərhələsində “İnter”ə 0:1 hesabı ilə uduzduqları oyundan sonra açıqlama verib.

Türkiyəli mütəxəssis qarşılaşmada bəzi məqamlarda rəqibin üstün olduğunu bildirib:

“Bəzi məqamlarda “İnter” bizdən daha yaxşı idi. “İnter”i və Kristian Kivunu (baş məşqçi) təbrik etmək istəyirəm. Böyük stadionlarda güclü rəqiblərə qarşı oyunlarda özümüzü daha da inkişaf etdirməliyik.

Xal qazanmağa imkan verəcək qədər yaxşı oynadıq. Buna görə məyusluq var. Oyunumuzla fəxr edirik, amma nəticədən razı qala bilmərik. Göstərdiyimiz səviyyəni nəzərə alsaq, matçın yekunu daha yaxşı olmalı idi. Futbolçularımızdan bəziləri öz kumirləri ilə qarşılaşdı. Bu təcrübə onlara öyrənməyə və inkişaf etməyə kömək edəcək”.

“Şaxtyor” növbəti turda “Sportinq”lə qarşılaşacaq.