İlkin Dövlətov yeni klipini təqdim etdi: "Səhra Çiçəyi" Dubayda çəkildi

Tanınmış müğənni İlkin Dövlətov dinləyicilərinin ixtiyarına yeni layihəsini verib. Sənətçi "Səhra Çiçəyi" adlı yeni mahnısını və eyniadlı klipini təqdim edib.

Mahnının sözləri və musiqisi Rabil Səfərliyə məxsusdur. Bəstənin aranjimanı və miks-masterinq işlərini də müəllif özü reallaşdırıb. Layihə "Safarli" production-ın təşkilatçılığı ilə ərsəyə gəlib.

Ekran işinin çəkilişləri isə Birləşmiş Ərəb Əmirliklərinin Dubay şəhərində aparılıb. Klipin rejissorluğu və montajı Sadiq Hajiyə həvalə olunub.

Klip artıq rəsmi olaraq YouTube platformasında yayımlanıb.

Xatırladaq ki, "Səhra Çiçəyi" artıq bütün rəqəmsal musiqi platformalarında dinləyicilərin istifadəsinə verilib.