Zəngilan Şəhərində ilk dəfə Plov Festivalı keçirilib

Zəngilan şəhərinin dirçəlişini, milli-mədəni irsimizi və Böyük Qayıdışın yaratdığı yeni reallıqları əks etdirən tədbirlər proqramı hazırlanıb.

Bayram tədbirləri Mədəniyyət Nazirliyinin və Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin birgə təşkilatçılığı, Cəbrayıl, Qubadlı və Zəngilan rayonlarında Azərbaycan Prezidentinin xüsusi nümayəndəliyinin dəstəyi, Qarabağ Dirçəliş Fondunun maliyyə və təşkilati dəstəyi ilə keçirilib.

Mərkəzinin ətrafındakı açıq ərazidə keçirilən festival çərçivəsində plov təqdimatı, milli sənətkarlıq nümunələrinin nümayişi, suvenir stendləri, eləcə də toxuculuq, keramika, ebru sənəti və xalçaçılıq üzrə ustad dərsləri təşkil olunub. Tanınmış bloggerlər, sakinlər və qonaqlar təamların dadına baxıblar.

Tanınmış bloggerlər, yerli sakinlər və festivalın qonaqları müxtəlif çeşidli plovların, təamların dadına baxaraq Azərbaycan mətbəxinin zənginliyi ilə yaxından tanış olub, milli kulinariya ənənələrimizin özünəməxsusluğu və qonaqpərvərlik ruhunu əks etdirən bu tədbirin xoş ab-havasını bölüşüblər.