https://www.innews.az/uploads/news/2022-11/_innews_70afcfa80146b6c1a33d7932c_o.jpg
24 noyabr tarixində Ağdaş rayonunda, Yaponiya hökumətinin “Ot Kökləri və İnsan Təhlükəsizliyi Qrant Yardımı Proqramı” çərçivəsində icra olunmuş “Ağdaş rayonunda tullantıların çeşidlənməsi məntəqəsinin inşası” layihəsinin təqdimat mərasimi həyata keçirildi. Mərasimdə Yaponiyanın Azərbaycan Respublikasındakı Fövqəladə və Səlahiyyətli Səfiri Vada Cüniçi, Ağdaş Rayon İcra Hakimiyyətinin nümayəndələri və benefisiar təşkilat olan“İnkişaf 2006” Sosial Dəstək İctimai Birliyinin nümayəndələri iştirak etmişdir.
Bu layihədə əsas məqsəd, Ağdaş rayonunun Aşağı Zeynəddin kəndində yerləşən tullantı poliqonu ərazisi daxiliində tullantıların çeşidlənməsi bölməsi, hidravlik presləmə avadanlığı və yandırıcı avadanlıq ilə təchiz olunmuş məntəqəsinin inşası ilə, kağız və plastic növlü tullantıların yenidən istifadə olunmasına nail olmaqla yanaşı, həm də tibbi tullantıların təhlükəsiz şəraitdə yandırılmasına nail olmaqdır. Yeni tikilmiş bu məntəqə Ağdaş rayon İcra Hakimiyyəti tərəfindən istifadə edilərək poliqondakı tullantıların azaldılması və əhalinin yerləşdiyi ərazinin ekoloji şəraitinin yaxşılaşdırılmasına xidmət göstərəcəyi planlaşdırılır. Bu layihənin icra olunması üçün Yaponiya hökuməti təqribən 152,310 manat (90,124 ABŞ dolları) məbləğində qrant ayırmışdır.
İndiyə qədər Azərbaycan Respublikasında ”Ot Kökləri və İnsan Təhlükəsizliyi Qrant Yardımı Proqramı” çərçivəsində icra olunmuş layihələrin ümumi sayı 283 olmaqla, ümumi qrant məbləği isə 23,890,000 ABŞ dollarını keçmişdir.
“Ot kökləri və İnsan Təhlükəsizliyi Qrant yardımı Proqramı” Azərbaycan Respulikasının əhalisinin sosial rifahının yaxşılaşdırılması məqsədi ilə səhiyyə, ictimai sağlamlıq, təhsil və kənd təsərrüfatı sahələrində bilavasitə yerli əhalinin bəhrələnəcəyi nisbətən kiçik miqyaslı layihələrin həyata keçirilməsi üçün nəzərdə tutulan iqtisadi yardım proqramıdır. Bu yardımla bağlı yerli bələdiyyə və icra hakimiyyəti orqanları, qeyri-hökumət təşkilatları, təhsil, səhiyyə orqanları və digər qeyri-kommersiya qurumlarının müraciəti mümkündür. Yeni layihə ilə bağlı Yaponiyanın Azərbaycan Respublikasındakı səfirliyinə müraciət edə bilərsiniz.
Ən son xəbərləri səhifəmizdən də izləyin
