https://www.innews.az/uploads/news/2026-09/_innews_0ab790cae2f756e2e54c24a40_o.jpg
Avtomobil həvəskarlarını, Toyota sahiblərini və onların ailələrini bir araya gətirən “Toyota Fest 26” festivalı keçirilib. Toyota Bakı Mərkəzinin təşkilatçılığı ilə artıq üçüncü dəfə baş tutan festival ənənəsinə sadiq qalaraq avtomobil dünyasını ailəvi istirahət və əyləncə ilə birləşdirib, qonaqlara fərqli və yaddaqalan həftəsonu yaşadıb.
Festival çərçivəsində Toyota-nın geniş model sırası nümayiş etdirilib və qonaqlar brendin müxtəlif modelləri ilə yaxından tanış olmaq imkanı əldə ediblər. Tədbirin avtomobil proqramında əsas diqqət isə yeni Toyota Land Cruiser 300 Hybrid və Toyota Hilux modellərinə yönəlib. Qonaqlar bu avtomobilləri yalnız yaxından nəzərdən keçirməklə kifayətlənməyib, xüsusi təşkil olunmuş test yürüşləri zamanı hər iki modelin sürüş xüsusiyyətlərini real yol şəraitində sınaqdan keçiriblər.
“Toyota Fest 26”nın özünəməxsus ab-havasını formalaşdıran əsas məqamlardan biri onun ailəvi formatı olub. Toyota sahibləri həftəsonunu övladları ilə birlikdə açıq havada keçirərək avtomobil yeniliklərini kəşf etməklə yanaşı, zəngin əyləncə proqramından da zövq alıblar.
Gün ərzində təşkil olunan barbekyu, interaktiv oyunlar və hədiyyəli müsabiqələr festivalın dinamik və əyləncəli atmosferini daha da zənginləşdirib. Müsabiqələrə əlavə rəng qatmaq və iştirakçılara daha maraqlı hədiyyələr təqdim etmək məqsədilə Azerbaijan Flowers (Baku Roses), CinemaPlus, Play10, Perla Mebel, Bizon (Avrora şirkəti), Impact Academies, Marmara Group və Mokoland festivala tərəfdaş qismində dəstək göstəriblər.
Festivalın ən balaca qonaqları üçün də ayrıca əyləncə proqramı hazırlanıb. Animatorların iştirakı ilə keçirilən oyunlar, müxtəlif müsabiqələr və hədiyyələr uşaqların gününü daha rəngarəng və maraqlı edib. Beləliklə, tədbirin proqramı ailənin hər bir üzvünün həftəsonundan zövq ala biləcəyi şəkildə qurulub.
Avtomobillər, test yürüşləri, canlı musiqi, əyləncə və ailəvi istirahəti eyni məkanda bir araya gətirən “Toyota Fest 26”, sadəcə avtomobil festivalı deyil, Toyota sahiblərinin bir araya gəldiyi xüsusi görüş məkanına çevrilib.
Artıq üçüncü dəfə təşkil olunan “Toyota Fest” Toyota Bakı Mərkəzinin müştəriləri ilə daha yaxın ünsiyyət qurmaq, Toyota sahibləri arasında bağlılığı gücləndirmək və onları vahid Toyota ailəsi ətrafında bir araya gətirmək istiqamətində davamlı ənənəyə çevrilən təşəbbüslərindən biri kimi yadda qalıb.
Toyota Bakı Mərkəzi
Ünvan: Fəzail Bayramov küçəsi 26, Bakı
Veb-sayt: toyotabaku.az
Instagram: @ToyotaCenterBaku
Facebook: ToyotaCenterBaku
Ən son xəbərləri səhifəmizdən də izləyin
