https://www.innews.az/uploads/news/2026-09/_innews_a17dac95dcc851c4bb3cc585f_o.jpg
Sentyabrın 13-də Dəniz Mall Ticarət Mərkəzinin qarşısındakı meydanda Red Bull Gym Clash Azərbaycan Milli Finalı keçirildi.
Ölkənin doqquz fitnes zalını təmsil edən komandalar güc, sürət, dözümlülük və çeviklik tələb edən bir sıra sınaqlarda öz bacarıqlarını nümayiş etdirdilər.
Gərgin və yüksək tempdə keçən mübarizənin sonunda kapitan Fuad Əliyevin rəhbərlik etdiyi “Vikings Hammer” komandası rəqiblərini qabaqlayaraq yarışın qalibi oldu. Nikita Qorşkovun kapitanı olduğu “BeFit” komandası ikinci, Salman Atayevin rəhbərlik etdiyi “4Life” komandası isə üçüncü yeri tutdu.
Yarış boyunca meydanda yüksək temp və güclü rəqabət hiss olunurdu. Komandalar hər bir tapşırıqda yalnız fiziki hazırlıqlarını deyil, eyni zamanda düzgün qərar vermək, vaxtı səmərəli idarə etmək və komanda şəklində hərəkət etmək bacarıqlarını da nümayiş etdirdilər. Son ana qədər davam edən mübarizə yarışın gərginliyini və həyəcanını daha da artırdı.
“Vikings Hammer” ötən il qazandığı uğuru təkrarlayaraq ardıcıl ikinci dəfə Red Bull Gym Clash Azərbaycan çempionu oldu. Beləliklə, komanda çempionluq titulunu qoruyaraq ölkə üzrə yenidən ən güclü komanda adını qazandı. Bu qələbə “Vikings Hammer”a Azərbaycanı Red Bull Gym Clash Dünya Finalında təmsil etmək hüququ verdi.
İndi komandanı daha böyük sınaq gözləyir. “Vikings Hammer” Dünya Finalında müxtəlif ölkələri təmsil edən ən güclü komandalarla mübarizə aparacaq.
Red Bull Gym Clash bir daha göstərdi ki, uğur yalnız fiziki güclə müəyyən olunmur. Burada hər saniyənin, hər qərarın və komanda daxilində göstərilən dəstəyin nəticəyə birbaşa təsiri var. Düzgün strategiya, qarşılıqlı etimad və sona qədər birlikdə mübarizə aparmaq bacarığı “Vikings Hammer” komandasını Bakıdakı qələbədən Dünya Finalına aparan əsas amillərdən oldu.
Tədbir “PASHA Malls”ın təşkilati dəstəyi və “CBC Sport”un media tərəfdaşlığı ilə həyata keçirilib.
Ən son xəbərləri səhifəmizdən də izləyin
