https://www.innews.az/uploads/news/2026-09/_innews_af5a9911b8ee35a80d85f203e_o.jpg
“Auto Azərbaycan” şirkətinin fəaliyyətinin 30 illik yubileyi çərçivəsində rəsmi distribütoru olduğu GAC markasının yeni modellərinin təqdimat mərasimi baş tutub!
GAC S9 və GAC Smilodon modelləri təqdimat mərasimi tədbirində 100-ə qədər sahibkar, şirkət rəhbəri və media nümayəndəsi iştirak edib. Eyni zamanda tədbirdə iştirakçılara modellərin texniki xüsusiyyətləri və ilkin sürüş imkanı da təqdim olunub.
Mərasimdə çıxış edən GAC-ın Mərkəzi Asiya üzrə regional direktoru Dawn Duan “Auto Azərbaycan” ilə strateji tərəfdaşlığın əhəmiyyətini vurğulayıb. O bildirib ki, əməkdaşlığın əsas məqsədi qabaqcıl texnologiyalara və yüksək keyfiyyət standartlarına malik avtomobilləri Azərbaycan bazarına təqdim etməkdir.
Tədbirin aparıcısı Elgün Xıdırovun təqdimatı ilə iştirakçılar modellərin xüsusiyyətləri ilə daha yaxından tanış ola bildilər. O, öz çıxışı zamanı GAC Smilodon modelinin 2.8 turbo-dizel mühərrikindən, 4x4 tam ötürücüyə sahib olması, 5 nəfərlik double-cab pikab olmasından və 12.8’’ multimedia ekranından bəhs etdi. Model tam ötürücülü sistem və beşpilləli mexaniki sürətlər qutusu ilə təqdim olunur. Yük platformasının ölçüləri 1 530 × 1 620 × 515 mm, yük bölməsinin həcmi 1 276 litr təşkil edir. Model Elite Edition və Luxury Edition təchizat variantlarında alıcılarının ixtiyarındadır.
Ardınca GAC S9 modeli ilə bağlı təqdim edilmiş texniki məlumatlara əsasən, avtomobilin gücü 501 at gücü, batareya tutumu isə 44,5 kVt·saat təşkil edir. Modelin ümumi hibrid yürüş məsafəsi 1 200 km, yalnız elektrik rejimində yürüş məsafəsi isə 200–250 km olaraq göstərilir. Tam ötürücülü sistemlə təchiz olunan avtomobil 0–100 km/saat sürətlənməni 6,6 saniyəyə tamamlayır.
Tədbirdə mətbuat nümayəndələrinə həmçinin xəbər verilib ki, "Auto Azərbaycan" 2027-ci ildə off-road anlayışını tamamilə yenidən formalaşdıracaq GAC Yue 7 modelini də müştərilərə təqdim etməyi planlaşdırır. 30 illik yerli təcrübə ilə GAC-ın 70 illik mühəndislik irsinin sintezi Azərbaycan avtomobil həvəskarlarına gələcəyin texnologiyalarını bu gündən yaşatmağa davam edəcək.
Ən son xəbərləri səhifəmizdən də izləyin
