ADPU-nun TGT sədri Türkiyədə keçirilən proqramda iştirak edib

29 avqust – 4 sentyabr 2026-cı il tarixlərində Bakı Şəhər Gənclər və İdman İdarəsinin təşkilatçılığı ilə “Gənclərin Dəyişimi Proqramı” çərçivəsində Türkiyənin Antalya şəhərinə səfər həyata keçirilib. Səfərdə Azərbaycan Dövlət Pedaqoji Universitetinin Tələbə Gənclər Təşkilatının sədri Elmira Babayeva da iştirak edib.

Səfər çərçivəsində Antalya Valiliyi, Antalya Gənclər və İdman İdarəsi, Akdeniz Universiteti və Gənclik Mərkəzlərinə səfərlər təşkil olunub. İştirakçılar, həmçinin şəhərin tarixi-mədəni məkanları və muzeyləri ilə tanış olub, müxtəlif idman və sosial fəaliyyətlərə qoşulublar.

Proqram müddətində gənclər siyasəti, sosial fəaliyyət və gənclərin inkişafı istiqamətində fikir və təcrübə mübadiləsi aparılıb, gələcək əməkdaşlıq imkanları müzakirə edilib.