https://www.innews.az/uploads/news/2026-09/_innews_c515363d09fa5a34e16952153_o.jpg
Azərbaycan Mərkəzi Bankı 2026-cı ilin avqust ayında valyuta bazarında 1,5 milyard ABŞ dolları məbləğində alış yönlü müdaxilə həyata keçirib.
Mərkəzi Bankdan bildirilib ki, tədiyə balansının cari əməliyyatlar hesabında profisitin və maliyyə sektorunda dedollarlaşma prosesinin davam etməsi fonunda valyuta bazarında təklif tələbi üstələyib.
Alış yönlü müdaxilənin nəticəsində Mərkəzi Bankın valyuta ehtiyatları 2026-cı ilin ötən dövründə 3,8 milyard dollar və ya 33 faiz artaraq 15,3 milyard dollara yüksəlib. Bu, Mərkəzi Bankın valyuta ehtiyatları üzrə tarixi maksimumdur.
Bildirilib ki, valyuta bazarından alınan xarici valyutanın tam və ya bir hissəsinin gələcəkdə bazarda formalaşacaq tələbdən asılı olaraq tarazlığın təmin edilməsi məqsədilə yenidən bazara yönəldilməsi mümkündür.
Mərkəzi Bank makroiqtisadi sabitliyin qorunması məqsədilə valyuta bazarında alış və ya satış yönlü əməliyyatlarda iştirak edəcəyi təqdirdə bu barədə ictimaiyyətə məlumat veriləcəyini açıqlayıb.
Ən son xəbərləri səhifəmizdən də izləyin
