https://www.innews.az/uploads/news/2026-09/_innews_660cce7ef97f1fe1dbe4f1529_o.jpg
“ART Grand Prix” komandasının pilotu Taito Kato Formula 3 çempionatının Monza Sprint yarışında parlaq qələbə qazanaraq karyerasında ilk dəfə fəxri kürsünün ən yüksək pilləsinə yüksəlib.
Yarışa 9-cu sıradan başlayan yaponiyalı pilot əla çıxış nümayiş etdirərək rəqiblərini bir-bir geridə qoyub. Kato finişə qədər üstünlüyünü qoruyub və son iki dövrədə “TRIDENT” pilotu Freddie Slaterin təzyiqinə tab gətirərək qələbəni rəsmiləşdirib.
Çempionatın lideri Slater isə yarışa 12-ci yerdən başlamasına baxmayaraq, finişdə ikinci olub. Bu nəticə ona çempionatdakı üstünlüyünü 17 xala çatdırmağa imkan verib.
Hiyu Yamakoshi (“Van Amersfoort Racing”) üçüncü olaraq podiumun son pilləsini tutub.
“AIX Racing” pilotu Yevan David son dövrədə Alessandro Giustini qabaqlayaraq dördüncü yeri əldə edib. Yarışın böyük hissəsinə liderlik edən Giusti isə beşinci olub.
İlk onluğu Mattia Colnaghi, Ernesto Rivera, Enzo Deligny, Nicola Lacorte və Bruno del Pino tamamlayıblar.
Formula 3-ün Monza mərhələsinin əsas – Feature yarışı bazar günü keçiriləcək. Freddie Slater əsas yarışa poul-pozisiyadan başlayacaq. “ART Grand Prix” pilotu Kanato Le isə ilk cərgədə onun yanında yer alacaq.
Ən son xəbərləri səhifəmizdən də izləyin
