https://www.innews.az/uploads/news/2026-09/_innews_86c93695876d202c6c68a08dd_o.jpg
Film prodüseri olmaq sizin üçün nə ifadə edir?
Yalçın Çoban: Salam. Öncəliklə, Zeynəb xanım, bizə mətbuatda yer verdiyiniz üçün sizə təşəkkür edirəm. Film prodüseri olmaq mənim üçün çox şey ifadə edir. Mən xəyallarımın arxasınca getdim. 1999-cu ildə fəaliyyətə başlamışam. 2016–2017-ci illərdən etibarən isə film prodüserliyi, baş koordinatorluq və icraçı prodüserliklə məşğulam.
“Çoban Yıldızı Film Akademisi”ni yaratmaq ideyası necə ortaya çıxdı?
Yalçın Çoban: “Çoban Yıldızı Film Akademisi” əslində daha əvvəl “Çoban Yıldızı Cast Ajansı” olaraq 2010-cu illərdə, hətta 2010-cu ildən əvvəl də fəaliyyət göstərirdi. Daha sonra akademiya olaraq fəaliyyətimizi davam etdirdik. Azərbaycanda – Bakıda və Vyanada əsas aktyorluq üzrə dərslər keçməyə başladıq.
Hazırda üzərində çalışdığınız layihələriniz varmı?
Yalçın Çoban: Bəli, layihələrimiz var. Hətta bu yay Türkiyədə 3–4 kino filminin çəkilişində iştirak etdik və həmin layihələri tamamladıq. Hazırda isə yenə Bakıdayıq. Bildiyiniz kimi, Azərbaycanda da fəaliyyət göstərdiyimiz yerimiz var və buradayıq.
Tələbələrinizə yönəlik çalışmalarınız və sosial fəaliyyətləriniz nələrdir?
Yalçın Çoban: Öz tələbələrimizə “Hababam Sınıfı” parodiyaları, eləcə də digər layihələrin parodiyalarını öyrədirik. Onların tədricən inkişaf etmələri və cəmiyyət içindəki utancaqlıqlarını aradan qaldırmaları üçün bir çox alış-veriş mərkəzlərində (AVM) nümayişlər təşkil edirik.
İnsanlar həm faydalansın, həm izləsin, həm də insanlara teatr sevgisini aşılayaq deyə tamamilə ödənişsiz nümayişlər keçiririk. Bakıda da çoxsaylı film nümayişləri və qalalarımız olub.
Bu müsahibədə mənə yer verdiyiniz üçün təşəkkür edirəm.
Ən son xəbərləri səhifəmizdən də izləyin
