https://www.innews.az/uploads/news/2026-08/_innews_5c8d01da88612426f0e6cae96_o.jpg
06 avqust 2026-cı il tarixində “Fitch Ratings” Agentliyi (Agentlik) tərəfindən Azərbaycan Respublikası İpoteka və Kredit Zəmanət Fondunun (Fond) fəaliyyətinin növbəti qiymətləndirilməsi həyata keçirilib. Agentliyin qiymətləndirməsinə əsasən, Fondun uzunmüddətli xarici və yerli valyutada reytinqi ölkə reytinqinə bərabər “BBB-/Stabil” səviyyəsində təsdiq edilib.
“Fitch”in mövqeyinə görə reytinqin ölkə reytinqinə bərabər “BBB-” səviyyəsində (proqnoz “stabil”) təsdiq olunması Fond ilə dövlət arasında möhkəm əlaqələrin olması, habelə Fondun əhalinin əlverişli şərtlərlə mənzil təminatında mühüm dövlət siyasəti funksiyasını yerinə yetirməsi ilə bağlıdır. Agentlik Fondun qeyri-kommersiya missiyasına baxmayaraq, onun maliyyə dayanıqlılığını, aktivlərin keyfiyyətini, məqbul likvidlik mövqeyini xüsusi qeyd etmişdir.
“Fitch Ratings” Agentliyi 2009-cu ildən etibarən Fondun fəaliyyətinin qiymətləndirilməsini həyata keçirir və onun müstəqil kredit reytinqini açıqlayır.
Ən son xəbərləri səhifəmizdən də izləyin
