https://www.innews.az/uploads/news/2026-08/_innews_1c92011f1c5dc4d00387dbfeb_o.jpg
Bakı Dövlət Universiteti (BDU) ilə Qazaxıstan Respublikasının Əl-Fərabi adına Qazax Milli Universitetinin “Dəniz və enerji hüququ” ixtisaslaşması üzrə birgə ikili diplom proqramı çərçivəsində məzun olan magistrantlara diplomlar təqdim edilib.
Mərasimdə çıxış edən BDU-nun rektoru Elçin Babayev ikili diplom proqramının uğurla icra olunduğunu bildirib: “İki universitetin resursları və təcrübəsi əsasında yüksək keyfiyyətli təhsil almaq imkanı yaradan proqram regionda hüquq təhsili sahəsində beynəlxalq səviyyədə tanınmış mütəxəssislər yetişdirmək baxımından çox əhəmiyyətlidir. Bundan sonra da Əl-Fərabi adına Qazax Milli Universiteti ilə olan əməkdaşlığımız təhsil və elm layihələrinin həyata keçirilməsi üçün uyğun imkanların yaradılması və əməkdaşlıq sahəsində müxtəlif fəaliyyətlərin təşkili istiqamətində genişləndiriləcək”.
Daha sonra 2025/2026-cı tədrisilində həmin ixtisaslaşma üzrə təhsilini uğurla başa vuran 9 məzuna diplomlar təqdim edilib.
Qeyd edək ki, proqram çərçivəsində bu günədək 40-dan çox tələbə məzun olub.
Ən son xəbərləri səhifəmizdən də izləyin
