https://www.innews.az/uploads/news/2026-07/_innews_656454d96d4a0541b9ab130e4_o.jpg
Göygöl rayonunda keçirilən “Yan Yaylağı” festivalında xoşagəlməz hadisə baş verib.
Denmedia.az-a hadisə şahidlərinin verdiyi məlumata görə, festival ərazisində quraşdırılmış taxta konstruksiya qəfil uçaraq ərazidə olan insanların üzərinə aşıb.
Hadisə nəticəsində müxtəlif dərəcəli bədən xəsarətləri alan şəxslərin olduğu bildirilir.
Məlumata əsasən, hadisə yerinə dərhal təcili tibbi yardım briqadaları və aidiyyəti dövlət qurumlarının əməkdaşları cəlb olunub. Yaralılara ilkin tibbi yardım göstərilib, onların bir qisminin müalicə müəssisələrinə aparıldığı qeyd olunur.
Hadisənin başvermə səbəbləri və xəsarət alanların dəqiq sayı hələlik açıqlanmayıb.
Faktla bağlı araşdırmalara başlanılıb. Rəsmi qurumların hadisə ilə bağlı açıqlama verəcəyi gözlənilir.
Ən son xəbərləri səhifəmizdən də izləyin
