https://www.innews.az/uploads/news/2026-07/_innews_33d5fdd125bac9bbd9db1c7ec_o.jpg
Həyat bəzən bizi fırtınalı yollarla, dumanlı cığırlarla sınağa çəkir. Belə anlarda qaranlığı yaran bir işığa, ruhumuzu sakitləşdirən bir limana ehtiyac duyuruq. Həqiqi dostluq isə məhz həmin anlarda üzə çıxan, sınaqlardan keçərək polad kimi bərkiyən ən ülvi duyğudur.
"Can Parçası" adlı bu şeir, çətinliklərə birlikdə sinə gərən, kədəri göy qurşağının rəngləri ilə boyayan və bir ailə kimi tək ürəkdə döyünən sarsılmaz bir bağın hekayəsidir. Yolunuza mayak olan, hər fırtınada yanınızda qaya kimi dayanan o doğma insana səmimi bir təşəkkür və sevgi etirafıdır.
Bu şeir də mənim hər zaman yanımda olan, "hərşeyimə" gəlsin:
Can Parçası
Dumanlı yolda azanda bəxtimiz,
Sən mənə bir mayak, bir işıq oldun.
Zülməti bürüdü sadiq əhdimiz,
Qaranlıq ömrümə yaraşıq oldun.
Həyat fırtınası sıxanda bizi,
Biz sipər elədik polad sinəni.
Dalğalar silmədi təmiz izləri,
Ruhumun aynası bildim mən səni.
Keçdik bu qorxulu, daşlı yolları,
Əl-ələ verərək qırdıq qəfəsi.
Sardıq sevgi ilə yorğun qolları,
Sən oldun qəlbimin azad nəfəsi.
Göy qurşağı qondu solğun günlərə,
Fırçamız boyadı qəmi hər rəngə.
Döndü dözümümüz qızıl günlərə,
Dostluqla ucaldıq ulu ahəngə.
Dəniztək sinəndə sirrlər saxladın,
Çiçəktək sevincin qəlbimə qondu.
Qayatək yanımda möhkəm dayandın,
Qəlbdə kədər də buz bağladı, dondu.
Bu doğma bağımız candan da ötə,
Bir ailətək vuran tək bir ürəkdir.
Məlhəmdir qəlbdəki hər bir möhnətə,
Bu sarsılmaz dostluq bizə dirəkdir.
Aysel Aslanova
Ən son xəbərləri səhifəmizdən də izləyin
