DİN sürücülərə müraciət etdi: Piyada keçidlərində bu 5 qaydaya əməl edin - VİDEO

Daxili İşlər Nazirliyinin Nəqliyyatı İntellektual İdarəetmə Mərkəzi sürücülərə piyada keçidlərində hərəkət zamanı təhlükəsizlik qaydalarına ciddi əməl etmələri ilə bağlı müraciət edib.

"innews media" xəbər verir ki, müraciətdə piyada keçidlərinə yaxınlaşarkən sürücülərin diqqətli davranmasının yol-nəqliyyat hadisələrinin qarşısının alınmasında mühüm əhəmiyyət daşıdığı vurğulanıb.

Mərkəz sürücülərə aşağıdakı qaydalara əməl etməyi tövsiyə edir:

Əvvəlcə yol nişanlarına diqqət yetirməli;
Piyadalar keçidə yaxınlaşan zaman sürət həddini azaltmalı;
Sərt əyləcdən istifadə etməməli;
Düzgün ara məsafəsi saxlamalı;
Dayanmalı və piyadalara yol verməlidirlər.

Qeyd olunub ki, bu qaydalara əməl olunmaması piyada vurulması ilə nəticələnən ağır yol-nəqliyyat hadisələrinin baş vermə riskini artırır.

Daxili İşlər Nazirliyinin Nəqliyyatı İntellektual İdarəetmə Mərkəzi bütün hərəkət iştirakçılarını yol hərəkəti qaydalarına riayət etməyə, qarşılıqlı hörmət və məsuliyyət nümayiş etdirməyə çağırıb.