https://www.innews.az/uploads/news/2026-06/_innews_30ab827165dbfe62368378c87_o.jpg
Bakının Sabunçu rayonunun Nardaran qəsəbəsindəki 295 nömrəli tam orta məktəb də 11 illik təhsil mərhələsini uğurla başa vuran şagirdlərini həyatın yeni sınaq və imkanlarla dolu keşməkeşli mərhələsinə yola salıb. Uşaqlığın son gününü yaşayan məzunları təbrik edən məktəbin direktoru Dilarə Cəbrayılova gənclərə hər zaman özlərinə inanmağı, məktəblərini heç zaman unutmamağı, 11 il ərzində burada qazandıqları bilik, bacarıq və dəyərləri daim inkişaf etdirərək Vətənimizin, xalqımızın, dövlətimizin rifahı naminə sərf etməyi tövsiyə edib.
Şagirdlərlə hər zaman dostluq və qarşılıqlı etimada əsaslanan münasibətlər quran Dilarə Cəbrayılova məzunlara bundan sonrakı həyat yollarında da onların yanında olacağını, dəstəyini və köməyini əsirgəməyəcəyini bildirib. Səmimi sözlər məzunlar tərəfindən böyük rəğbətlə qarşılanıb və tədbirin duyğusal anlarından birinə çevrilib. Bayram əhval-ruhiyyəsində keçən "Son zəng"də direktor şagirdlərlə birlikdə rəqs edərək və onlarla şəkil çəkdirərək məzunların sevincinə şərik olub.
Məktəbin direktoru Dilarə Cəbrayılovanın şagirdləri ilə dostyana və isti münasibəti tədbirə xüsusi rəng qataraq unudulmaz anlardan biri kimi yadda qalıb.
Ən son xəbərləri səhifəmizdən də izləyin
