Əbədi Birlik Gənclər İctimai Birliyinin sədri İlkin Məmiyev Şimali Kipr Türk Cümhuriyyəti Gününə həsr olunmuş sərgidə iştirak edib

İçərişəhərdə Şimali Kipr Türk Cümhuriyyəti Gününə həsr olunmuş sərgi keçirilib. Tədbirdə dövlət və ictimaiyyət nümayəndələri, gənclər təşkilatlarının təmsilçiləri, media nümayəndələri və çoxsaylı qonaqlar iştirak ediblər.

Sərgidə Şimali Kipr Türk Cümhuriyyətinin tarixi, mədəniyyəti, milli-mənəvi dəyərləri və Türk dünyasının ortaq irsini əks etdirən eksponatlar nümayiş olunub. Tədbir iştirakçıları təqdim olunan materiallarla yaxından tanış olub, Türk xalqları arasında dostluq və qardaşlıq münasibətlərinin inkişafının vacibliyini vurğulayıblar.

Tədbirdə Əbədi Birlik Gənclər İctimai Birliyinin sədri, Qasım bəy Zakirin 8-ci kökdən nümayəndəsi İlkin Məmiyev də iştirak edib. O, belə tədbirlərin Türk dünyasının birliyinin möhkəmləndirilməsi, ortaq dəyərlərin təbliği və gənc nəsildə milli-mənəvi ruhun gücləndirilməsi baxımından xüsusi əhəmiyyət daşıdığını qeyd edib.

İlkin Məmiyev bildirib ki, Türk dövlətləri arasında əməkdaşlığın daha da genişlənməsi və ortaq mədəni irsin gələcək nəsillərə çatdırılması istiqamətində keçirilən tədbirlər mühüm rol oynayır.

Qeyd edək ki, sərgi iştirakçılar tərəfindən böyük maraqla qarşılanıb və Türk dünyasının ortaq dəyərlərinin təbliği istiqamətində əhəmiyyətli platforma kimi qiymətləndirilib.

Afaq Qurbanzadə ANZ.AZ-ın baş redaktoru təyin olunub

15.06.2026 10:24:09