https://www.innews.az/uploads/news/2026-05/_innews_a9770ee0bbfc75f94426c1e66_o.jpg
Williams Racing komandası bir neçə yeni yüksəkvəzifəli təyinat elan edib. Ən diqqətçəkən dəyişikliklərdən biri isə McLaren-in keçmiş Baş Əməliyyat Direktoru Piers Thynne-nin Williams-a qoşulması olub.
Komandanın açıqlamasına görə, Piers Thynne yeni yaradılmış Baş Optimallaşdırma və Planlaşdırma Direktoru vəzifəsində çalışacaq. O, avqust ayından etibarən fəaliyyətə başlayacaq.
Piers Thynne 2008-ci ildən McLaren komandasında müxtəlif vəzifələrdə çalışıb və 2023-cü ildə Baş Əməliyyat Direktoru vəzifəsinə yüksəlib. Onun rəhbərliyi dövründə McLaren 2024 və 2025-ci illərdə ardıcıl olaraq Konstruktorlar Çempionatında uğurlu nəticələr əldə edib.
Williams bildirib ki, Thynne komandanın proseslərinin optimallaşdırılması, resursların daha səmərəli idarə olunması və robototexnika, süni intellekt, qabaqcıl istehsal texnologiyalarının tətbiqi istiqamətində fəaliyyət göstərəcək.
Piers Thynne açıqlamasında bildirib ki, Williams-a qoşulmaq onun üçün həyəcanverici addımdır:
“Williamsın Formula 1-də yeni standartlar müəyyən etmək və yenidən çempionluq səviyyəsinə yüksəlmək kimi böyük ambisiyası var”.
Komanda həmçinin digər yeni təyinatları da açıqlayıb. Mercedes-AMG Petronas Formula One Team-də 12 il çalışan Kler Simpson Aerodinamik İnkişaf Rəhbəri, Fred Cadd isə Performans Optimallaşdırma Rəhbəri vəzifəsinə gətirilib. Bundan əlavə, Stiv But Alpine komandasından Nəqliyyat Vasitələri Mühəndisliyi Rəhbəri kimi transfer olunub.
Williams komandasının rəhbəri James Vowles bildirib ki, komanda Formula 1-də ön sıralara qayıtmaq üçün insan resurslarına, texnologiyaya və yeni idarəetmə modelinə ciddi yatırım edir.
Onun sözlərinə görə, komandanın əsas məqsədi gələcəkdə dünya çempionluğu uğrunda mübarizə aparacaq güclü struktur formalaşdırmaqdır.
Ən son xəbərləri səhifəmizdən də izləyin
