https://www.innews.az/uploads/news/2026-05/_innews_2512aedbf97b934b86af90ab7_o.jpg
Azərbaycan Respublikası Gənclər və İdman Nazirliyinin nümayəndə heyəti 10–12 may 2026-cı il tarixlərində Türkiyənin Konya şəhərində keçirilən “Konya 2026 İslam Əməkdaşlıq Təşkilatı Gənclər Paytaxtı” açılış mərasimində iştirak edib.
Nümayəndə heyətinə gənclər və idman nazirinin müavini Fərhad Hacıyev rəhbərlik edib. Səfər çərçivəsində açılış mərasimi, beynəlxalq görüşlər və gənclər arasında əməkdaşlığın inkişafına həsr olunan fəaliyyətlərdə iştirak olunub.
Açılış mərasimində nazir müavini ilə yanaşı, Gənclərlə iş şöbəsinin müdiri Ülviyyə Axundova, Azərbaycan Tələbə Gənclər Təşkilatları İttifaqının İdarə Heyətinin üzvü Nicat Əliyev və Azərbaycan Dövlət Pedaqoji Universitetinin Tələbə Gənclər Təşkilatının sədri Elmira Babayeva iştirak ediblər.
Tədbirdə çıxış edən rəsmilər İslam dünyasında gənclər arasında həmrəyliyin, beynəlxalq əməkdaşlığın və ortaq dəyərlərin təşviqinin əhəmiyyətini vurğulayıblar. 2026-cı il ərzində Konya şəhərində müxtəlif beynəlxalq gənclər proqramları, forumlar və mədəni tədbirlərin həyata keçirilməsi nəzərdə tutulur.
Qeyd edək ki, İslam Əməkdaşlıq Təşkilatının “Gənclər Paytaxtı” statusu 2024-cü il üzrə Azərbaycanın Şuşa şəhərinə verilib.
Ən son xəbərləri səhifəmizdən də izləyin
