https://www.innews.az/uploads/news/2026-05/_innews_4c95deabecfdf08161f7fd904_o.jpg
WUF13 çərçivəsində keçirilən sərgidə Azərbaycan şirkətləri tərəfindən təqdim olunan “Smart Village” konsepsiyası və müasir şəhərsalma layihələri ölkənin innovativ inkişaf yanaşmasını nümayiş etdirib. Sərgidə əsas diqqət “Ağıllı kənd” modeli, yaşıl enerji həlləri və dayanıqlı infrastruktur layihələrinə yönəlib.
“AS Group” şirkətlər qrupuna daxil olan “AS İnşaat” MMC tərəfindən həyata keçirilən layihələr - Ağalı kəndi, Məmmədbəyli kəndi və Dövlətyarlı kəndi – sərgidə Azərbaycanın post-münaqişə ərazilərində həyata keçirdiyi müasir bərpa və urban inkişaf strategiyasının əsas nümunələri kimi təqdim olunub.
Ağalı kəndi - “Ağıllı kənd” modeli
Ağalı kəndi kəndində həyata keçirilən “Smart Village” layihəsi çərçivəsində 126 hektar ərazidə 255 fərdi yaşayış evi, 4 inzibati bina, 1 məktəb və 1 uşaq bağçası inşa edilib.
Layihədə ümumi gücü 750 kVt olan günəş panelləri, 325 kVt-lıq ilkin mərhələ sistemləri və 200 evdə günəş su qızdırıcıları tətbiq olunub. Həmçinin Həkəri çayı üzərində 636 kVt gücündə Arximed vintli turbin tipli su elektrik stansiyası fəaliyyət göstərir və ildə 5 milyon kVt-saatadək enerji istehsal edir.
Məmmədbəyli kəndi
Məmmədbəyli kəndi kəndi sərgidə Ağalıya inteqrasiya olunmuş müasir yaşayış məntəqəsi kimi təqdim edilib. Burada 188 fərdi yaşayış evi, müasir kommunikasiya infrastrukturu və damüstü günəş panelləri sistemi nümayiş olunub.
Kəndin Ağalı ilə tunel vasitəsilə birləşdirilməsi və vahid sosial infrastrukturdan istifadə etməsi “inteqrasiya olunmuş kənd modeli” kimi xüsusi vurğulanıb.
Dövlətyarlı kəndi - gələcəyin “Smart Village” konsepti
Dövlətyarlı kəndi kəndi sərgidə planlaşdırılan “ağıllı kənd” modeli kimi təqdim olunub. Layihəyə əsasən 480 enerji səmərəli fərdi ev, çoxmənzilli binalar və sosial xidmət zonaları nəzərdə tutulur. Yol, piyada və velosiped infrastrukturu vahid planlama əsasında formalaşdırılır.
4YOU Baku - müasir şəhərsalma nümunəsi
4YOU Baku layihəsi sərgidə Bakı şəhərində həyata keçirilən premium yaşayış kompleksi kimi təqdim olunub. 6-19 mərtəbəli binalardan ibarət kompleksdə smart ev sistemləri, enerji səmərəli həllər, sosial infrastruktur və müasir idarəetmə modeli tətbiq edilir.
Thermoblock istehsalı və yaşıl tikinti materialları
AS İstehsal tərəfindən istehsal olunan termobloklar da sərgidə nümayiş etdirilən innovativ tikinti materialları sırasında yer alıb. Yüngül, istilik izolyasiyalı və ekoloji davamlı bu materiallar müasir tikinti standartlarına uyğunluğu ilə seçilir.
WUF13 çərçivəsində təqdim olunan bu layihələr Azərbaycanın şəhərsalma, enerji səmərəliliyi və dayanıqlı inkişaf sahəsində qlobal trendlərə inteqrasiya olunduğunu nümayiş etdirir və ölkənin “yaşıl inkişaf” strategiyasının mühüm tərkib hissəsi kimi qiymətləndirilir.
Ən son xəbərləri səhifəmizdən də izləyin
