https://www.innews.az/uploads/news/2026-02/_innews_8cf545067ccecc931f82e7715_o.jpg
“EMEDIA GROUP” Media təşkilatının “Gənclər Siyasəti və İnnovativ İnkişaf Sektor” nun təşkilatçılığı ilə təməli Azərbaycan Respublikasının Ulu Öndəri Heydər Əliyev tərəfindən qoyulmuş 2 Fevral – Azərbaycan Gəncləri Günü münasibətilə “Milli maraqlara sadiq Azərbaycan gəncliyi” adlı tədbir baş tutdu.
Tədbirdən öncə iştirakçılar Ulu Öndər Heydər Əliyevin büstünü ziyarət edərək önünə gül dəstələri qoyublar, onun əziz xatirəsini dərin ehtiramla yad ediblər.
Tədbirin məqsədi ölkədə həyata keçirilən gənclər siyasətinin əsas prinsiplərinə uyğun olaraq gənclərin ictimai, mədəni və sosial həyatda fəal iştirakını təşviq etmək, onların təşəbbüskarlığını və məsuliyyətli fəaliyyətini ön plana çıxarmaq olub.
Proqram çərçivəsində Azərbaycan Respublikasında gənclər siyasətinin inkişafına verdikləri töhfələrə, ictimai fəallıqlarına və milli dəyərlərə sadiq mövqelərinə görə bir qrup gənc Fəxri Diplomla təltif edilib.
Tədbirdə müxtəlif universitetlərin tələbələri ilə yanaşı, Qərbi Azərbaycan – Loru mahalı, Allahverdi rayonu İcmasının Gənclər Təşkilatının rəhbəri Elmir Əlizadə, Uluslararası Demokratlar Birliyi (UİD) Azərbaycanın nümayəndəliyinin təmsilçisi Emre Cellat və digər ictimai təşkilatlar fəallar iştirak ediblər.
Gənclərin dövlətçilik ənənələrinə bağlılığı, milli maraqların qorunmasında rolu və Azərbaycanın gələcəyinin məhz savadlı, fəal və vətənpərvər gənclərin əlində olduğu vurğulanıb.
Gənclik – dövlətin sabahkı səsi, bugünkü məsuliyyətidir!
Tədbir gənclərin birgə xatirə fotosu və gələcək əməkdaşlıq çağırışları ilə yekunlaşıb.
Ən son xəbərləri səhifəmizdən də izləyin
